12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Թրամփը պնդում է, որ Ֆորդոյից ուրանի պաշարները դուրս չեն բերվել ԱՄՆ հարվածներից առաջ
Քաղաքականություն
26.06.2025 | 22:08
ԱՄՆ նախագահ Դոնալդ Թրամփը հերքել է այն տեղեկությունները, որ Իրանը ԱՄՆ-ի օդային հարվածներից առաջ Ֆորդոյի միջուկային օբյեկտից տեղափոխել է իր ուրանի պաշարները։
«Տեղում գտնվող մեքենաներն ու փոքր բեռնատարները բետոնագործներինն էին, որոնք փորձում էին ծածկել հանքահորերի վերին մասը։ Շենքից ոչինչ դուրս չի բերվել։ Դա չափազանց երկար կտևեր, չափազանց վտանգավոր էր, շատ ծանր ու դժվար տեղափոխելի», – գրել է Թրամփը Truth Social-ում։
Financial Times-ը, իր աղբյուրներին վկայակոչելով հայտնել էր, Եվրոպական հետախուզական գործակալությունները կարծում են, որ Իրանի բարձր հարստացված ուրանի պաշարները մեծ մասամբ անվնաս են մնացել ԱՄՆ-ի կողմից իր հիմնական միջուկային օբյեկտներին հասցված հարվածներից հետո։
Եվրոպական հետախուզական գործակալությունները կարծում են, որ 408 կիլոգրամ ուրանի պաշարները չեն մնացել Ֆորդոյի տարածքում, այլ բաշխվել է այլ վայրերում։
ԱՄՆ-ն, իր հերթին, դեռևս չի տրամադրել իր ԵՄ դաշնակիցներին վերջնական հետախուզական տվյալներ Իրանի միջուկային ներուժի վերաբերյալ հարվածներից հետո։
FT-ի աղբյուրները հայտնել են, որ ԵՄ-ն առայժմ դադարեցրել է Թեհրանի հետ կապերը՝ սպասելով Վաշինգտոնի հետագա քայլերին։
ԱՄՆ-ն հունիսի 22-ի գիշերը հարձակվել էր Իրանի միջուկային օբյեկտների վրա։ Հարվածներ էին հասցվել Ֆորդոյի և Նաթանզի, Սպահանի միջուկային օբյեկտներին։
Ավելի վաղ էլ Թրամփը քննադատել էր CNN-ին ու NYT-ին հետախուզական նախնական տվյալների հրապարակման համար, որոնց համաձայն՝ Իրանի միջուկային ծրագիրը չի ոչնչացվել։
Թարգմանությունը`Էմմա Չոբանյանի
