23.05.2026 | 14:52
ՄԻՊ-ը մեկնարկել է ընտրատեղամասերի մշտադիտարկումը՝ հաշմանդամություն ունեցող անձանց համար մատչելիությունը գնահատելու նպատակով
Իրանը հաստատել է իսրայելական հարվածից «Քուդս» ուժերի պաղեստինյան մասնաճյուղի հրամանատարի մահը
Քաղաքականություն
26.06.2025 | 23:06
Իրանի Իսլամական հեղափոխության պահապանների կորպուսը հինգշաբթի օրը հաստատել է, որ Իսրայելի օդային հարվածների հետևանքով սպանվել է «Քուդս» ուժերի պաղեստինյան մասնաճյուղի հրամանատար Մոհամմադ Սաիդ Իզադին, փոխանցում է Iran International-ը։
Մուհամմադ Իզզադին ղեկավարում էր «Քուդս» ուժերի՝ Իրանի սահմաններից դուրս գործողությունների համար պատասխանատու ԻՀՊԿ արտաքին ճյուղի հիմնական կառույցներից մեկը։ Նա համարվում էր Թեհրանի և Լիբանանում, Սիրիայում և Իրաքում գործող դաշնակից զինված խմբավորումների միջև կարևոր կապող օղակ։
Հունիսի 21-ին Իսրայելի պաշտպանության նախարար Իսրայել Կացը հայտարարել էր, որ զինվորականները սպանել են Իսլամական հեղափոխության պահապանների կորպուսի արտասահմանյան ստորաբաժանման վետերան հրամանատարին՝ Իրանի Քոմ քաղաքում գտնվող բնակարանի վրա հարձակման ժամանակ։
Կացը նշել էր, որ Իզադին ֆինանսավորել և զինել է ՀԱՄԱՍ-ին սկզբնական հարձակումների ժամանակ՝ հրամանատարի սպանությունը որակելով որպես «իսրայելական հետախուզության և ռազմաօդային ուժերի համար մեծ նվաճում»։
Թարգմանությունը՝ Էմմա Չոբանյանի
