17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Հյուսիսային Կորեան կարող է լրացուցիչ զորքեր ուղարկել ուկրաինական ճակատ
Քաղաքականություն
26.06.2025 | 23:30
Հուլիսին կամ օգոստոսին Հյուսիսային Կորեան կարող է լրացուցիչ զորքեր ուղարկել Ռուսաստան՝ Ուկրաինայում կռվելու համար։ Այս մասին հաղորդում է Reuters-ը՝ հղում անելով հարավկորեացի օրենսդիրներին, որոնք էլ իրենց հերթին հղում են անում Հարավային Կորեայի հետախուզական ծառայության (NIS) տվյալներին, փոխանցում է BBC-ի ռուսական ծառայությունը։
Հարավկորեական հետախուզության տվյալներով՝ Ռուսաստանը այս ամիսներին լայնածավալ հարձակում է նախապատրաստում Ուկրաինայում։
Օրենսդիրները նաև մեջբերել են հետախուզական հաղորդագրությունները Փհենյանի բանակի համար զինվորականների հավաքագրման Ռուսաստան ուղարկելու մասին, ինչպես նաև Ռուսաստանի Անվտանգության խորհրդի քարտուղար Սերգեյ Շոյգուի վերջերս Հյուսիսային Կորեա կատարած այցը։
«Ինտերֆաքս»-ը հայտնել էր, որ նրանք, ի թիվս այլ հարցերի, քննարկել են Ուկրաինայի շուրջ ստեղծված իրավիճակը և Համապարփակ ռազմավարական գործընկերության մասին պայմանագրի առանձին կետեր, որը ստորագրվել է Փհենյանում 2024 թվականի հունիսի 19-ին: Շոյգուն հայտարարել էր, որ ԿԺԴՀ-ն սակրավորներ և շինարարներ կուղարկի Կուրսկի մարզի վերականգնմանը մասնակցելու համար։
Reuters-ը նաև նշում է, որ Փհենյանը կշարունակի զենք մատակարարել Ռուսաստանին։
ԿԺԴՀ-ի զինվորականները մասնակցել են Կուրսկի շրջանում տեղի ունեցած մարտական գործողություններին։
Թարգմանությունը՝ Էմմա Չոբանյանի
