16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Իսրայելը Իրանի կենտրոնական բանկը ճանաչել է որպես «ահաբեկչական կազմակերպություն»
Քաղաքականություն
25.06.2025 | 14:02
Իսրայելի պաշտպանության նախարար Իսրայել Կացը չորեքշաբթի օրը Իրանի կենտրոնական բանկն անվանել է «ահաբեկչական կազմակերպություն»՝ նշելով, որ այդ քայլը նպատակ ունի դադարեցնել Իրանի կողմից աջակցվող զինյալ խմբավորումների ֆինանսավորումը երկու մրցակից երկրների միջև հրադադարի ուժի մեջ մտնելուց մեկ օր անց։
«Նախարար Իսրայել Կացը ստորագրել է հատուկ հրամանագիր, որով Իրանի կենտրոնական բանկը, ևս երկու իրանական բանկերը (և) Իրանի զինված ուժերին կից մեկ ընկերությունը ճանաչվել են որպես ահաբեկչական կազմակերպություններ», – ասվում է նրա գրասենյակի հայտարարության մեջ։
Նշվում է, որ «Իրանի դեմ Իսրայելի ավելի լայն արշավի մաս կազմող այս քայլը նպատակ ունի թիրախավորել իրանական ռեժիմի ահաբեկչության ֆինանսավորման համակարգի «սիրտը», որը ֆինանսավորում, զինում և ուղղորդում է ահաբեկչությունն ամբողջ Մերձավոր Արևելքում»։
Հիշեցնենք, որ Իրանի ու Իսրայելի միջև ռազմական գործողությունների դադարեցման ու հրադադարի հաստատման մասին հայտարարել էր ԱՄՆ նախագահ Դոնալդ Թրամփը։
Թարգմանությունը՝ Էմմա Չոբանյանի
