06.10.2026 | 21:16
Ավանեսյանը այցելել է Շաքիում վիրավորված Անի Ավետիսյանի ընտանիքին
Նպատակահարմար չենք համարում Արտակ Գալստյանի լիազորությունները դադարեցնել, նա տնային կալանքի տակ է․ ՏԵՍԱՆՅՈՒԹ
24.06.2025 | 11:25
«Նպատակահարմար չենք համարում Արտակ Գալստյանի լիազորությունները դադարեցնել, նա տնային կալանքի տակ է», – Երևանի քաղաքապետարանի նիստի ժամանակ ասաց ավագանու «Իմ քայլը» խմբակցության ղեկավար Արմեն Գալջյանը։
«Հանձնաժողովում երեկ քննարկվել է այս հարցը, տրվել է բացասական եզրակացություն, և հարցի էության հետ կապված դեռ 2024-ի փետրվարին դիրքորոշում հնչեցրել ենք։ Կարծում եմ՝ նման որոշում, եթե մարդը անազատության մեջ է, ճիշտ կլինի կայացնել, եթե իր բացակայությունը ավագանու գործունեությունը խոչընդոտում է։ Հետևաբար՝ կողմ կքվեարկենք հարցը հանելու առաջարկին»,- նշեց Գալջյանը։
Հիշեցնենք, որ Երևանի ավագանու «Ազգային առաջընթաց» խմբակցության անդամ Հայկ Գրիգորյանն առաջարկում էր վաղաժամկետ դադարեցնել «Հանրային ձայն» խմբակցության անդամ Արտակ Գալստյանի լիազորությունները։
Գրիգորյանը նախագծի հիմնավորման մեջ նշել էր, որ Գալստյանը չի ներկայացել ավագանու բոլոր՝ հերթական և արտահերթ թվով 17 նիստերից 17-ին, այն դեպքում, երբ ավագանու անդամը պարտավոր է մասնակցել նիստերին։ Հայկ Գրիգորյանը նաև նշել է, որ Արտակ Գալստյանը, հանդիսանալով Երևանի ավագանու իրավական հարցերի մշտական հանձնաժողովի անդամ, ավագանու անդամի լիազորությունները ստանձնելուց հետո բացակայել է հանձնաժողովի բոլոր՝ թվով 11 նիստերից 11-ից:
Մանրամասները՝ տեսանյութում։
Անի Թամրազյան
