Ինչու մի հոգևորական չի ասում՝ զրպարտում ես մեզ․ եկեղեցու անկումը պետք է կանխել․ Զարեհ Սինանյան. ՏԵՍԱՆՅՈՒԹ

«Մենք ունենք Թուրքիա հարևան, որը ցեղասպանություն է գործել հայ ժողովրդի նկատմամբ, որը բայրացակամ չէ մեր նկատմամբ, որն աջակցել է մեր դեմ թշնամական բոլոր դրսևորումներին։ Թուրքիան սպառնալիք է ներկայացնում ՀՀ-ի համար և հարաբերություններ չունենալ, խռովածի դիրք ընդունել, արհամարել, երրորդ պետությունների միջոցով վտանգ ներկայացնող պետության հետ փորձել լեզու գտնելը վտանգավոր ձև է»,- այս մասին Factor TV-ի հետ զրույցում ասում է Սփյուռքի գործերի գլխավոր հանձնակատար Զարեհ Սինանյանը։

Ճշտող հարցին՝ ի՞նչ վտանգ է ներկայացնում Թուրքիան ՀՀ-ի համար, Զարեհ Սինանյանը ասում է․ «Մեր ժամանակներում բոլոր երկրները բոլոր երկրների համար վտանգ են ներկայացնում։ Մենք ականատես ենք լինում միջազգային օրենքի տոտալ անկման, դու ունես մի հարևան պետություն, որը քո հետ դիվանագիտական հարաբերություններ չունի, բաց սահման չունի։ Ես շատ մինիմալիստ եմ եղել իմ սպասելիքների մեջ, թե ինչ ձեռքբերում կարող ենք գրանցել այս այցից Թուրքիա, բայց միաժամանակ իմացել եմ, որ այցն ինքնին շատ ճիշտ ու անհրաժեշտ երևույթ է»։
Սինանյանն, անդրադառնալով վերջին մեկ ամսում պետության և եկեղեցու միջև տարաձայնություններին, ասում է․

«Մեր եկեղեցու անկումը պետք է կանխել, եկեղեցին պետք է առողջացնել, հասարակությունը պահանջում է։ Ես ուզում եմ, որ իմ եկեղեցին փրկվի։ Սա բաց վերք է, որն անընդհատ արյունահոսում է, ինչ-որ մի պահ է գալիս, որ ասում ես՝ կարող է օրգանիզմը մահվան ելք ունենա, ինչ-որ մի պահի ասում ես՝ չէ՛, օրգանիզմը բուժել է պետք»։

Մանրամասները՝ տեսանյութում։

Նարեկ Կիրակոսյան