27.06.2026 | 14:14
Կարելի է քայլուղի բացել. Փաշինյանը ծանոթացել է Կիևյան կամրջի շինաշխատանքներին․ ՏԵՍԱՆՅՈՒԹ
Վա՜յ այն երկրին, որը կտրում է ծաղրածուի լեզուն. Ապաքաղաքական զրույց Արմեն Էլբակյանի հետ. ՏԵՍԱՆՅՈՒԹ
Հաղորդաշարեր
22.06.2025 | 22:00
Factor.TV-ի A-politic հաղորդաշարի հյուրն է ռեժիսոր, դերասան, Սունդուկյանի անվան պետական ակադեմիական թատրոնի գեղարվեստական ղեկավար Արմեն Էլբակյանը: Նրա կարծիքով, թատրոնն այս աշխարհի փոքր մոդելն է, իսկ մարդիկ թատրոն են գալիս՝ ազատվելու իրենց շրջապատող քաոսից:
Անդրադառնալով տարբեր պիեսներում ծաղրածուների կերպարներին, որոնց մի մասն «ի պաշտոնե» ծաղրածու է, իսկ մյուսը կատարում է այդ գործառույթը, ռեժիսորը կարևորել է նրանց նշանակությունը: Ծաղրածուների խնդիրը դառը, մեծամասնության համար անընդունելի ճշմարտությունը բարձրաձայնելն է: Իշխանություններին և հասարակություններին ծաղրածուները դուր չեն գալիս, բայց երբ նրանց փորձում են լռեցնել, դա ավելի լուրջ խնդիրներ է առաջ բերում:
Մեկնաբանելով դասական թատրոնում հաճախ շրջանառվող «գերխնդիր» հասկացությունը, հաղորդման հյուրը նշում է, որ դա ոչ այլ ինչ է, քան մոտիվացիա: Ռեժիսորը և դերասանը պետք է հասկանան պիեսի և առանձին հերոսների մոտիվացիան ու փորձեն այն փոխանցել հանդիսատեսին: Ընդ որում՝ այս առումով ռեժիսորի և դերասանների ընկալումները կարող են չհամընկնել:
Մանրամասները՝ տեսանյութում:
Արամ Աբրահամյան
