11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Փոխանցված մարմիններից 20-ը Ուկրաինայի ԶՈՒ կազմում չեն եղել. Զելենսկի
Քաղաքականություն
21.06.2025 | 17:11
Ռուսական կողմը Ուկրաինային է փոխանցել 20 զոհված զինվորների, որոնք, պարզվում է, ռուսներ են, DW-ի ռուսական ծառայության փոխանցմամբ՝ ասել է Վոլոդիմիր Զելենսկին։
«Մենք, անշուշտ, ցանկանում ենք վերադարձնել մեր բոլոր զինվորներին և մեր հերոսների մարմինները։ Բայց մենք հաստատ չենք ուզում ռուսներին վերադարձնել պարզապես քանակի համար»,- ասել է նա։
Ուկրաինայի նախագահը լրագրողներին ցուցադրել է ռուսական անձնագրերը, որոնք, նրա խոսքով, հայտնաբերվել են փոխանակման ժամանակ փոխանցված մարմինների հետ միասին:
695,000 ռուս զինվորականներ կռվում են Ուկրաինայի տարածքում, հայտնել է Զելենսկին։ ՌԴ ԶՈՒ զորքերի մի մասը կենտրոնացած է նաև Կուրսկի և Բելգորոդի ուղղություններում։ Նրա խոսքով ՝ օրվա ընթացքում Ռուսաստանի բանակը հարձակման է գնում մինչև 200 անգամ։ Մինչև 4 հոգանոց փոքր դիվերսիոն խմբերը նույնպես փորձում են ներխուժել Դնեպրոպետրովսկի մարզ, բայց առայժմ անհաջող, ասել է Զելենսկին:
AFP գործակալությունը գրում է, որ Վոլոդիմիր Զելենսկին մեղադրել է Գերմանիայի և Չեխիայի ընկերություններին Ռուսաստանին պաշտպանական արդյունաբերության մեջ օգտագործվող բաղադրիչներ մատակարարելու համար:
Նախօրեին տեղեկացրել էինք, որ Ռուսաստանն ու Ուկրաինան ռազմագերիների հերթական փոխանակումն են իրականացրել։
