01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ռուսաստանն ու Ուկրաինան ռազմագերիների հերթական փոխանակումն են իրականացրել
Քաղաքականություն
20.06.2025 | 20:48
ՌԴ ՊՆ հայտնել է Ուկրաինայի հետ ռազմագերիների փոխանակման նոր փուլի մասին, գրում է Meduza-ն։
«Հունիսի 2-ին Ստամբուլում ձեռք բերված ռուս-ուկրաինական պայմանավորվածությունների համաձայն՝ ռուս զինծառայողների մի խումբ վերադարձվել է Կիևի ռեժիմի կողմից վերահսկվող տարածքից։ Փոխարենը Ուկրաինայի զինված ուժերի ռազմագերիների մի խումբ տեղափոխվել է», – հայտնել է նախարարությունը։
Ուկրաինայի նախագահ Վլադիմիր Զելենսկին հաստատել է փոխանակումը։ Նրա խոսքով՝ Կիևին հանձնված զինվորները գերության մեջ են եղել ավելի քան երկու տարի։
«Նրանք Մարիուպոլի, Դոնեցկի, Լուգանսկի, Զապորոժիեի, Խերսոնի, Խարկովի և Չեռնիգովի պաշտպաններն են։ Զինված ուժերի, Ազգային գվարդիայի, Սահմանապահ ծառայության զինվորներ», – մանրամասնել է Զելենսկին։
Կողմերի հայտարարություններում չի նշվում, թե քանի մարդ է փոխանցվել Մոսկվային, քանիսը՝ Կիևին։
Ռուս բանակցողների շրջանում ՌԲԿ-ի աղբյուրը հայտնել է, որ փոխանակված գերիների թիվը համարժեք է եղել։
Հավելենք, որ երեկ ևս կողմերի միջև գերիների փոխանակում տեղի էր ունեցել։
Թարգմանությունը՝ Էմմա Չոբանյանի
