24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
Թրամփը Իրանին 2 շաբաթ ժամանակ է տվել
Քաղաքականություն
21.06.2025 | 12:50
ԱՄՆ նախագահ Դոնալդ Թրամփը ուրբաթ օրը հայտարարել է, որ Իրանն ունի «առավելագույնը երկու շաբաթ ժամանակ»՝ խուսափելու ամերիկյան հնարավոր ավիահարվածներից՝ հայտարարելով, որ կարող է գործել նույնիսկ մեկ օր առաջ նշանակված վերջնաժամկետից․ գրում է CNN-ը։
«Ես նրանց ժամանակ եմ տալիս, և կասեի՝ երկու շաբաթը կլինի առավելագույնը», – լրագրողներին ասել է Թրամփը, պատասխանելով հարցրին, թե արդյոք հարվածելու որոշումը կարող է ավելի շուտ կայացվել։
ԱՄՆ առաջնորդը հավելել է, որ իր նպատակն է տեսնել, թե «արդյո՞ք մարդիկ խելքի կգան»։
«Իրանը չի ցանկանում խոսել Եվրոպայի հետ։ Նրանք ուզում են խոսել մեզ հետ։
Եվրոպան չի կարողանա օգնել նրանց այս հարցում», – իր խոսքն ամփոել է Թրամփը։
Հիշեցնենք, որ երեկ Մեծ Բրիտանիայի, Ֆրանսիայի և Գերմանիայի արտաքին գործերի նախարարները, ԵՄ դիվանագիտության ղեկավարը Շվեյցարիայում հանդիպել են Իրանի ԱԳ նախարար Արաղչիի հետ՝ իսրայելա-իրանական հակամարտությանը վերջ դնելու ջանքերի շրջանակներում։
Իրանի արտաքին գործերի նախարար Աբբաս Արաղչին Ժնևում Ֆրանսիայի, Մեծ Բրիտանիայի, Գերմանիայի և ԵՄ-ի իր գործընկերների հետ բանակցություններից հետո պատասխանել էր լրագրողների հարցերին ու հայտարարել, որ Իրանը պատրաստ է շարունակել բանակցությունները Ժնևի ձևաչափով։
Թարգմանությունը՝ Անահիտ Խաչատրյանի
