13.01.2026 | 14:33
Իրանի ԱԳ նախարարը հայտարարել է, որ Ուիթկոֆի հետ իր շփումները շարունակվում են
Փաշինյանը մոմ է վառել Ստամբուլի Ս․Աստվածածին աթոռանիստ եկեղեցում. ՏԵՍԱՆՅՈՒԹ
Քաղաքականություն
20.06.2025 | 18:28
ՀՀ վարչապետ Նիկոլ Փաշինյանն աշխատանքային այցի շրջանակում Ստամբուլում այցելել է Սուրբ Աստվածածին աթոռանիստ մայր եկեղեցի։
Ինչպես տեղեկացնում են Կառավարության մամուլի ծառայությունից, վարչապետին ուղեկցել են եկեղեցու խորհրդի ատենապետ Հրանտ Մասկաֆյանը, երկրորդ ատենապետ Մինաս Արսլանը, ինչպես նաև եկեղեցուն կից հայկական դպրոցի տնօրեն Քլոտիա Տեմիրը: Վարչապետ Փաշինյանը շրջել է եկեղեցում, կատարել մոմավառություն և ծանոթացել համայնքային կյանքի պայմաններին։
Նշվում է, որ այցի ընթացքում վարչապետը եղել է նաև նախակրթարանում և հայկական դպրոցում՝ տեղում ծանոթանալով կրթական ծրագրերին ու համայնքային նախաձեռնություններին։
Վարչապետ Նիկոլ Փաշինյանը ծաղիկներ է խոնարհել Կոմիտասի հուշարձանի առաջ, հավելում են գերատեսչությունից։
2025 թ. հունիսի 20-ին Հայաստանի Հանրապետության վարչապետ Նիկոլ Փաշինյանն աշխատանքային այցով մեկնել է Թուրքիա:
Փաշինյանն արդեն իսկ հանդիպել է տեղի հայ համայնքի հետ, ապա նաև այցելել Ստամբուլի Սբ Աստվածածին աթոռանիստ մայր եկեղեցի։
