12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
2018-ին և 2019-ին եղել եմ ֆորպոստի վարչապետ․ Փաշինյան․ ՏԵՍԱՆՅՈՒԹ
Քաղաքականություն
19.06.2025 | 14:04
Նիկոլ Փաշինյանն այսօր ԱԺ-ում 2024 թվականի պետական բյուջեի կատարման հաշվետվությանն առնչվող եզրափակիչ ելույթում հայտաարարեց, որ 2018 թվականին, երբ դարձել է վարչապետ, արձանագրել է, որ ինքը պայմանականորեն է վարչապետ։
«Մենք ինքներս մեզ հաշիվ չենք տվել, որ ՀՀ կառավարություն ենք, որ պետություն ենք։ Ես, այո՛, արձանագրում եմ, որ 2018-ին ու 2019-ին ես եղել եմ ֆորպոստի վարչապետ, իսկ 2020 թվականի նոյեմբերից հետո ես, թերևս, եղել եմ ամենաֆորպոստի վարչապետի կարգավիճակում ու, կարծում եմ, որ սա շրջադարձային կետ է եղել, երբ մենք մեզ հարց ենք տվել՝ ի վերջո, ի՞նչ ենք մենք ուզում, մենք գտնվել ենք վերջնական ֆորպոստացման գծի եզրին ու մենք հարց ենք տվել՝ ուզո՞ւմ ենք գիծը հատել, մենք որոշել ենք, որ չենք ուզում հատել ու սա այն կետն է, որտեղ մենք որոշել ենք, որ Հայաստանում պետք է տեղի ունենան ընտրություններ ու ժողովուրդը պետք է կայացնի որոշում»,- ընդգծեց վարչապետը։
Նա նաև նշեց, որ 2022 թվականի հոկտեմբերի 6-ից է ինքը դարձել Հայաստանի առաջին ղեկավարը, «ով ճանաչել է ՀՀ տարածքային ամբողջականությունը»։
Վարչապետի խոսքով՝ ֆորպոստացման ֆենոմենը մի երկրի հետ պետք չէ կապել, դրանում ներգրավված են եղել բազմաթիվ երկրներ։
«Ֆորպոստացման կրիտիկական մասսան եղել է ոչ թե մեզնից դուրս, այլ մենք ինքներս ենք եղել և ինքներս ենք ապահովել։ Մենք ինքներս մեզ հաշիվ չենք տվել, որ ՀՀ կառավարություն ենք, խորհրդարան ենք, ժողովուրդ ենք, մենք ինքներս մեզ հաշիվ չենք տվել, որ պետություն ենք»,- ասաց նա։
Մանրամասները՝ տեսանյութում։
Մանյա Պողոսյան
