24.06.2026 | 19:34
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
Սամվել Կարապետյանի տնից բերման ենթարկված անձինք կան
17.06.2025 | 18:37
Մի խումբ անձինք բերման են ենթարկվել, իրականացվում են օպերատիվ գործողություններ։ Տեղեկությունը Factor.am-ին հայտնել է ՆԳՆ մամուլի խոսնակ Նարեկ Սարգսյանը՝ անդրադառնալով գործարար, միլիարդատեր Սամվել Կարապետյանի տանը խուզարկություններին։
Ավելի վաղ հայտնել էինք, որ մեր տեղեկություններով հատուկջոկատայիններն այս պահին խուզարկություններ են իրականացնում Կարապետյանի՝ Երևանում գտնվող տանը։ Aysor.am-ը, հղում անելով սեփական տեղեկություններին գրել էր, որ Երևանում, Ուլնեցի փողոցում ձերբակալվել է Սամվել Կարապետյանը։
Այսօր ավելի վաղ Սամվել Կարապետյանը News.am-ի հետ զրույցում կարծիք էր հայտնել եկեղեցի-իշխանություն հարաբերությունների մասին՝ նշելով․ «Մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա։ Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ապա մենք մեր ձևով ենք միջամտելու եկեղեցու դեմ արշավին»։ Ավելի ուշ վարչապետ Նիկոլ Փաշինյանը ֆեյսբուքյան գրառմամբ անուղղակի պատասխանել էր Սամվել Կարապետյանին։ Հիշեցնենք՝ Սամվել Կարապետյանը ՌԴ-ի ամենահարուստ գործարարներից է, նրա կարողությունը տարբեր հաշվարկներով գնահատվում է շուրջ 3 մլրդ դոլար։
Անի Թամրազյան
