05.10.2026 | 23:19
Փաշինյանը նոր նշանակումներ է արել
Խուզարկում են Սամվել Կարապետյանի՝ Երևանում գտնվող տունը
Քաղաքականություն
17.06.2025 | 18:12
Factor.am-ի տեղեկություններով հատուկջոկատայիններն այս պահին խուզարկություններ են իրականացնում գործարար, «Տաշիր Գրուպի» սեփականատեր Սամվել Կարապետյանի՝ Երևանում գտնվող տանը։ Aysor.am-ը, հղում անելով սեփական տեղեկություններին գրել էր, որ Երևանում, Ուլնեցի փողոցում ձերբակալվել է Սամվել Կարապետյանը։
Այսօր ավելի վաղ Սամվել Կարապետյանը News.am-ի հետ զրույցում կարծիք էր հայտնել եկեղեցի-իշխանություն հարաբերությունների մասին՝ նշելով․ «Մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա։ Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ապա մենք մեր ձևով ենք միջամտելու եկեղեցու դեմ արշավին»։
Ավելի ուշ վարչապետ Նիկոլ Փաշինյանը ֆեյսբուքյան գրառմամբ անուղղակի պատասխանել էր Սամվել Կարապետյանին։
Հիշեցնենք՝ Սամվել Կարապետյանը ՌԴ-ի ամենահարուստ գործարարներից է, նրա կարողությունը տարբեր հաշվարկներով գնահատվում է շուրջ 3 մլրդ դոլար։
