08.09.2026 | 17:22
Հայկական ճարտարապետության նոր հասցեն․ Amanoo-ի միջազգային ճանապարհը
Թավրիզում պայթյուններ են լսվել․ՏԵՍԱՆՅՈՒԹ
Քաղաքականություն
17.06.2025 | 13:41
Իրանի հյուսիս-արևմտյան Թավրիզ քաղաքում երկու պայթյուն է լսվել։ Այս մասին հաղորդում են տեղական լրատվամիջոցները, փոխանցում է France 24-ը։ «Թավրիզում հինգ րոպե ընդմիջումով տեղի է ունեցել երկու պայթյուն»,- հաղորդել է «Համ Միհան» թերթը։ «Երեքշաբթի առավոտյան պայթյունից հետո Թավրիզի շրջակայքում խիտ ծուխ է երևացել», – հաղորդել է Mehr լրատվական գործակալությունը՝ հրապարակելով տեսանյութ։
Երեք մարդ է զոհվել Քաշան քաղաքում անվտանգության անցակետին Իսրայելի հարվածի հետևանքով։ Այս մասին էլ հայտարարել է Իրանի Սպահան նահանգի փոխնահանգապետը։
Իրանի անվտանգության ուժերի կողմից վերահսկվող անցակետը Իրանի և Իսրայելի միջև մարտական գործողությունների սրումից հետո ուժեղացված ներքին վերահսկողության մաս էր կազմում։ Պաշտոնյան այլ մանրամասներ չի հայտնել զոհերի ինքնության կամ վնասի չափի մասին։
Բացի այդ՝ Իրանի պետական IRIB հեռարձակողի երկու աշխատակից է զոհվել երկուշաբթի օրը հեռուստաալիքի՝ Թեհրանի հյուսիսում գտնվող շենքին Իսրայելի ավիահարվածի հետևանքով, գրում է Iran International-ը։
Իրանական պետական լրատվամիջոցները հայտնել են, որ հարձակման հետևանքով ստացած վնասվածքներից մահացել են լրատվականի խմբագիր Նիմա Ռաջաբպուրը և քարտուղարության աշխատակից Մասումե Ազիմին, վիրավորվել են նաև մի քանի այլ լրագրողներ և աշխատակիցներ։
France 24-ի տեղեկություններով զոհերի թիվը 3-է։
Թարգմանությունը՝ Էմմա Չոբանյանի
