13.01.2026 | 12:12
Միրզոյան-Ռուբիո հանդիպում կլինի // Կրասնոդար-Երևան չվերթը կրկին չեղարկվել է․ ԼՈՒՐԵՐ
Իսրայելն ավիահարված է հասցրել Թեհրանում Իրանի պետական հեռուստաընկերությանը. ՏԵՍԱՆՅՈՒԹ
Քաղաքականություն
16.06.2025 | 19:55
Իսրայելի կողմից երկուշաբթի Թեհրանի հյուսիսում գտնվող Իրանի պետական հեռարձակողի վրա հարձակում է իրականացվել՝ քաղաքացիներին մոտակա տարածքները լքելու կոչ անելուց հետո, գրում է Iran International-ը։
Իրանի պետական «Համշահրի» պարբերականը հայտնում է, որ IRIB հեռուստաալիքի ուղղությամբ ավիահարվածների հետևանքով զոհվել են պետական հեռարձակողի մի քանի աշխատակիցներ։
Այսօր ավելի վաղ Իսրայելի պաշտպանության նախարարը սպառնալիք էր հնչեցրել՝ ուղղված Թեհրանի 3-րդ թաղամասի բնակիչներին, որտեղ տեղակայված է Իրանի պետական հեռարձակողը։ Նշվում է, որ սա տարհանման մասին հայտարարություն էր՝ Իսրայելի պաշտպանության բանակի մամուլի խոսնակի ծանուցումից հետո։
«Իրանական քարոզչության և հրահրման խոսափողն անհետացման ճանապարհին է։ Սկսվել է մոտակա բնակիչների տարհանումը»,- ասել էր Կացը։
Իրանական լրատվամիջոցները հայտնում են, որ հեռուստաալիքի եթերը վերականգնվել է։
Թարգմանությունը՝ Էմմա Չոբանյանի
