Քաղաքականություն
13.06.2025 | 17:45Քաղաքագետ, դիվանագետ Արա Պապյանը Factor TV-ի հետ զրույցում նշում է, որ Իսրայելին հաջողվել է համոզել Միացյալ Նահանգներին որոշակի հարվածներ հասցնել Իրանին՝ վերջինիս ատոմային զենք ստանալու հնարավորությունը թուլացնելու նպատակով։ Պապյանի գնահատմամբ՝ իրականացված գործողությունները բավականին հաջող էին. դրանք հասցրել են նյութական լուրջ վնասներ Իրանի ուրանի հարստացման կենտրոններին, լաբորատորիաներին, ինչպես նաև մարդկային կորուստների պատճառ դարձել։
Քաղաքագետը նաև անդրադարձել է Ադրբեջանի հնարավոր քայլերին՝ նկատելով, որ Իրանի շուրջ զարգացումների վրա աշխարհի կենտրոնացման պայմաններում Ադրբեջանը մնում է ստվերում։ Ըստ նրա՝ սա կարող է հնարավորություն ստեղծել Բաքվի համար՝ դիմելու տեղային ռազմական սադրանքների։
Արա Պապյանը նշում է՝ Ադրբեջանի կողմից ռազմական գործողությունները հնարավոր են։ Նրա խոսքով՝ նման իրավիճակում Հայաստանի իշխանությունները պետք է գործակցեին միջազգային գործընկերների, այդ թվում՝ Ֆրանսիայի նախագահ Էմանուել Մակրոնի, ԱՄՆ պետքարտուղար Մարկո Ռուբիոյի, ՌԴ նախագահ Վլադիմիր Պուտինի հետ։
Մանրամասները՝ տեսանյութում։
Նարեկ Կիրակոսյան
