ԿԲ նախագահի հայտարարությունից հետո նամակ է գալիս, որ սև ցուցակում ենք. Կարագոզյան․ ՏԵՍԱՆՅՈՒԹ

ԱԺ-ում «Քաղաքացիական պայմանագիր» խմբակցության պատգամավորները, Կենտրոնական բանկի նախագահի տեղակալ Արմեն Նուրբեկյանը հանդիպում են բանկերի և վարկային կազմակերպությունների զեղծարարությունից տուժած քաղաքացիների հետ։

«Հանրային վերահսկողություն» ՀԿ նախագահ Մհեր Կարագոզյանի Factor TV-ի հետ զրույցում տեղեկացրեց, որ հանդիպման հրավերն իշխանական պատգամավորներն են ուղարկել, իսկ իրենք ցանկություն էին հայտնել հանդիպել ԱԺ բոլոր խմբակցությունների հետ։ Նրա փոխանցմամբ՝ օրեր առաջ էլ հանդիպել են «Հայաստան» խմբակցության պատգամավորների հետ։

«Հանրային վերահսկողություն» ՀԿ նախագահի համոզմամբ՝ Կենտրոնական բանկի նախագահ Մարտին Գալստյանի հայտարարությունը, թե բանկերը զեղծարարության զոհ դարձած քաղաքացիները վարկերը սառեցրել են, չի համապատասխանում իրականությանը։

«Ես ուզում եմ հասկանալ՝ ում է հանձնարարություն տվել Կենտրոնական բանկի նախագահը։ Ասում է՝ երեք բանկեր հետաձգել են 230 հաճախորդի վարկային պարտավորությունների կատարումը, դրանից հետո նամակ է գալիս, որ սև ցուցակում ենք։ Այդ հայտարարությունը բանկերին մանրևելու հնարավորություն տվեց» ,- նկատեց նա։

Օրերս մամուլի ասուլիսի ժամանակ ԿԲ նախագահ Մարտին Գալստյանը հայտարարել էր, որ հայաստանյան բանկերը զեղծարարության զոհ դարձած վարկառուների պարտավորությունների կատարման համար շուտով նոր հայտարարությամբ հանդես կգան։ Նա նշել էր, որ բանկերը նախապես հայտարարել էին, որ վարկային պարտավորությունների կատարումը հետաձգում են 3-5 տարով, բայց կսպասեն դատարանի որոշման հրապարակմանը։

Հիշեցնենք, որ բազմաթիվ քաղաքացիներ պարբերաբար բողոքի ակցիաներ են անցկացնում ԿԲ-ի, Կառավարության շենքերի առաջ` պնդելով, որ դարձել են կիբերհանցագործության և զեղծարարության զոհ։

Մանրամասները՝ տեսանյութում։

Մանյա Պողոսյան