06.10.2026 | 23:14
Դեսպան Մկրտչյանը Վաշինգտոնում հյուրընկալել է Նոբելյան մրցանակի դափնեկիր Քայլաշ Սաթյարթիին
Սպանվել է Իրանի ԶՈՒ գլխավոր շտաբի պետ, գեներալ Մոհամմադ Բաղերին
Քաղաքականություն
13.06.2025 | 09:29
Իսրայելի հարվածի հետևանքով զոհվել է Իրանի զինված ուժերի գլխավոր շտաբի պետ, գեներալ Մոհամմադ Բաղերիին, հաղորդում է The New York Times-ը՝ Իրանի պետական հեռուստատեսությանը հղումով։
Ավելի վաղ Իրանի պետական լրատվամիջոցները հաստատել էին Իրանի Իսլամական հեղափոխության պահապանների կորպուսի հրամանատար Հոսեյն Սալամիի սպանությունը։
Հաղորդվել էր նաև, որ առանձին հարվածների հետևանքով սպանվել են միջուկային գիտնական, «Իսլամական ազատ համալսարանի» նախագահ Մոհամմադ-Մեհդի Թեհրանչին և «Իրանի ատոմային էներգիայի կազմակերպության» նախկին ղեկավար, միջուկային գիտնական Ֆերեյդուն Աբբասին։
Հիշեցնենք, որ Իսրայելի ռազմաօդային ուժերը հարձակվել են Թեհրանի մոտակայքում գտնվող առնվազն վեց ռազմական բազաների վրա։ Ըստ Al Masirah հեռուստաալիքի՝ հարվածներ են հասցվել իրանական Նաթանզ, Խորամաբադ և Համադան քաղաքներին։
Al Mayadeen հեռուստաալիքն էլ հայտնել է, որ Իսրայելի հարձակման թիրախը Նաթանզի միջուկային օբյեկտն է եղել։
Ըստ Al Jazeera-ի՝ հարձակումների թիրախում է եղել նաև Թեհրանի հյուսիս-արևելքում գտնվող Մահալաթի շրջանը, որը հայտնի է ռազմական պաշտոնյաների բնակավայրերով։
The New York Times-ը, հղում անելով իրանցի պաշտոնյաներին, հայտնել է, որ հարվածներ են հասցվել նաև Իսլամական Հանրապետության ռազմական հրամանատարության երկու բնակելի շենքերին։
Թարգմանությունը՝ Անահիտ Խաչատրյանի
