29.04.2026 | 17:07
Ինչպես Մուստաֆաևի գլխավորած պատվիրակությունը հեռացավ Աղվերանից․ ՏԵՍԱՆՅՈՒԹ
Բրիտանիան ԵՄ-ի հետ համաձայնության է եկել Ջիբրալթարի և Իսպանիայի սահմանին վերահսկողության շուրջ
Քաղաքականություն
11.06.2025 | 23:22
Բրիտանական կառավարությունը Եվրամիության հետ Ջիբրալթարի կարգավիճակի մասին համաձայնագիր է կնքել, որը թույլ կտա խուսափել Ջիբրալթարի և Իսպանիայի սահմանին հերթերից և ստուգումներից: Բանակցություններն ընթանում էին 2020 թվականից՝ այն պահից, երբ Բրիտանիան դուրս եկավ ԵՄ-ից։ Այս մասին տեղեկացնում է BBC-ի ռուսական ծառայությունը։
Բրիտանական արտաքին գործերի նախարարությունը հայտարարել է, որ այսուհետ Ջիբրալթարի օդանավակայանում փաստաթղթերը կստուգեն և՛ Ջիբրալթարի, և՛ Իսպանիայի ծառայողները:
Իսպանիայի և Ջիբրալթարի միջև ցամաքային սահմանը ջիբրալթարցիները և Իսպանիայի քաղաքացիները կարող են հատել նույնականացման քարտով՝ առանց անձնագրի կնիքների: Այնուամենայնիվ, առանց նոր կնքված համաձայնագրի, այս պրակտիկան կարող էր դադարեցվել, քանի որ ԵՄ-ն այս տարի նախատեսում է ներդնել սահմանը հատողների հաշվառման միասնական էլեկտրոնային համակարգ, և դա կհանգեցնի մեծ հերթերի Ջիբրալթարի և Իսպանիայի միջև անցակետում:
Այս սահմանը ամեն օր հատում է մոտ 15 հազար մարդ։
