12.03.2026 | 14:21
«Զայեդ» մրցանակի կես մլն դոլարը պետք է վերադարձվի պետությա՞նը, թե՞ ծախսվի անձնական որոշմամբ. Փաշինյանի պարզաբանումը․ ՏԵՍԱՆՅՈՒԹ
Ուկրաինա է վերադարձվել 1212 զոհված զինծառայողի մարմին
Քաղաքականություն
11.06.2025 | 14:36
Ուկրաինա է վերադարձվել 1212 զոհված զինծառայողի մարմին։ Նրանց թվում են զինծառայողներ, որոնք կռվել են Ուկրաինայի արևելքում և հարավում, ինչպես նաև Կուրսկի մարզում։ Այս մասին հաղորդում է ՌԲԿ Ուկրաինան՝ հղում անելով Ռազմագերիների հետ վարվելակերպի համակարգող շտաբին։
Վերադարձվածների թվում են զինծառայողներ, որոնք զոհվել են Կուրսկի մարզում, Խարկովի մարզում,
Լուգանսկի ու Դոնեցկի մարզերում, Զապորոժիեի մարզում, Խերսոնի մարզում։
Նշվում է, որ մարմինները վերադարձվել են Ռազմագերիների հետ վարվելակերպի համակարգող շտաբի, Ուկրաինայի անվտանգության ծառայության, Ուկրաինայի զինված ուժերի, Ներքին գործերի նախարարության, Գերագույն ռադայի մարդու իրավունքների հանձնակատարի գրասենյակի, Հատուկ հանգամանքներում անհետ կորած անձանց հարցերով հանձնակատարի քարտուղարության, Պետական արտակարգ իրավիճակների ծառայության և այլ կառույցների համատեղ աշխատանքի արդյունքում։
Համակարգող շտաբը նաև նշել է Կարմիր Խաչի միջազգային կոմիտեի օգնությունը։
Զինվորների մարմինները կհանձնվեն դատաբժշկական փորձաքննության՝ մահացածների ինքնությունը պարզելու համար։
Ռուսաստանը Ուկրաինային է փոխանցել զոհված զինվորների մարմինները։ Այս մասին էլ ՌԲԿ-ին ասել է Պետդումայի պատգամավոր, ռազմական գործողությունների խորհրդարանական համակարգող խմբի ներկայացուցիչ Շամսաիլ Սարալիևը։
Հիշեցնենք, որ նախօրեին ՌԴ-ն և Ուկրաինան գերիների ևս մեկ փոխանակում էին իրականացրել։
Թարգմանությունը՝ Էմմա Չոբանյանի
