06.12.2025 | 10:53
Արտարժույթների փոխարժեքները՝ դեկտեմբերի 6-ի դրությամբ
Անհոգնել և վստահ ասում եմ` Աջափնյակի մետրոյի կայարանը կառուցվելու է․ Տիգրան Ավինյան․ ՏԵՍԱՆՅՈՒԹ
Տնտեսություն
11.06.2025 | 14:00
Երևանի Մետրոպոլիտենի նոր՝ «Աջափնյակ» կայարանի կառուցման նախագծի համալիր փորձաքննությունը հաջողությամբ ավարտվել է, այժմ անհրաժեշտ է կազմակերպել շինարարության մրցույթը և ապահովել համապատասխան ֆինանսավորում։ Այս մասին ԱԺ մշտական հանձնաժողովների համատեղ նիստում 2024 թվականի պետական բյուջեի կատարման հաշվետվության նախնական քննարկման ժամանակ հայտարարեց Երևանի քաղաքապետ Տիգրան Ավինյանը։
Նա ասաց, որ պետությունը մետրոյում նման մակարդակի ծրագիր չի իրականացրել ավելի քան 40 տարի, և այդ ոլորտում կուտակված կարողությունների կորուստը բարդացրել է գործընթացը։
«Նախագիծը, թերևս, Հայաստանի նորանկախ պատմության ամենաբարդ ծրագրերից մեկն է, անցել է համալիր փորձաքննություն։ Դրա վրա մոտ 7 ամիս է ծախսվել։ Մնում է շինարարության մրցույթի ու ֆինանսավորման կազմակերպումը։ Եթե նմանատիպ պրոցեսները երկար դադարների մեջ են հայտնվում, հետո պետք է այդ կարողությունները վերականգնել։ Անհոգնել ասում եմ և վստահ եմ՝ մենք կառուցելու ենք այդ կայարանը»,- պնդեց Երևանի քաղաքապետը։
Մանրամասները՝ տեսանյութում։
Մանյա Պողոսյան
