Ադրբեջանն և Կանադան առաջին քաղաքական խորհրդակցություններն են անցկացրել․ քննարկվել են ՀՀ-ի հետ կարգավորման գործընթացի խոչընդոտները

Բաքվում այսօր տեղի են ունեցել Ադրբեջանի և Կանադայի արտաքին գործերի նախարարությունների միջև առաջին քաղաքական խորհրդակցությունները։ Ադրբեջանի ԱԳՆ-ն հաղորդմամբ՝ խորհրդակցություններին ադրբեջանական պատվիրակությունը գլխավորել են արտաքին գործերի նախարարության ամերիկյան գործերի վարչության պետ Էսմիրա Ջաֆարովան և Կանադայի արտաքին գործերի նախարարության Արևելյան Եվրոպայի և Եվրասիայի վարչության գործադիր տնօրեն Անդրեաս Վայչերտը։

Խորհրդակցությունների ընթացքում մտքեր են փոխանակվել երկու երկրների միջև քաղաքական կապերի զարգացման հեռանկարների վերաբերյալ, ընդգծվել է փոխադարձ այցելությունների և շփումների կարևորությունը միջազգային միջոցառումների շրջանակում՝ կայուն քաղաքական երկխոսության խթանման համար:

Ընդգծվել է երկկողմ հարաբերություններում լարվածություն ստեղծող քայլերից զերծ մնալու կարևորությունը:

Քննարկվել են երկկողմ առևտրաշրջանառության ընդլայնման հնարավորությունները տնտեսական ոլորտում համագործակցության, ինչպես նաև էներգետիկայի, տրանսպորտի, բարձր տեխնոլոգիաների և այլ ոլորտներում համատեղ նախագծերի իրականացման համատեքստում։

«Հանդիպմանը նաև մանրամասն տեղեկատվություն է տրամադրվել հետհակամարտային ​​շրջանում տարածաշրջանում ստեղծված իրավիճակի, հայ-ադրբեջանական հարաբերությունների կարգավորման գործընթացի և այդ գործընթացին խոչընդոտող գործոնների, մեր երկրի կողմից երկարատև խաղաղություն ապահովելու ուղղությամբ ձեռնարկված քայլերի, ինչպես նաև «օկուպացիայից ազատագրված» տարածքներում ականների խնդրի և այնտեղ իրականացվող լայնածավալ շինարարական ու վերականգնողական աշխատանքների վերաբերյալ»,- ասվում է հայտարարության մեջ։

Թարգմանությունը՝ Էմմա Չոբանյանի