13.01.2026 | 10:57
ԱՄՆ պետքարտուղարությունը կասեցրել է «Գրին քարտ»-ի տրամադրումը․ ՀՀ-ում ԱՄՆ դեսպանություն
ՀՀ մաքսային ծառայությունը նպատակահարմար չի համարել հայկական բեռնատարների՝ հայ-վրացական սահմանի հատումը. ՊԵԿ-ի պարզաբանումը
Հասարակություն
10.06.2025 | 20:02
ՊԵԿ-ը պարզաբանում է տարածել՝ անդրադառնալով հայկական բեռնատարների՝ հայ-վրացական սահմանը հատելու արգելքին։
«Հաշվի առնելով վրացական անցակետերում վերջին օրերի կուտակումները՝ ՀՀ մաքսային ծառայությունը նպատակահարմար չի համարել հայկական բեռնատարների՝ հայ-վրացական սահմանի հատումը։
Հօգուտ տնտեսվարողի նախաձեռնված միջոցառումը ժամանակավոր է՝ մինչև կկարգավորվի վրացական կողմի թողունակության հարցը։
Պետական եկամուտների կոմիտեն գործում է բացառապես ստեղծված իրավիճակում սահմանը հատելու ցանկություն ունեցող բեռնափոխադրողների շահերից՝ վստահեցնելով, որ սահմանի վրացական հատվածում կուտակումների շուտափույթ կարգավորման պարագայում կկազմակերպվի հայկական մեքենաների պատշաճ բացթողումն անցակետից»,- ասված է հաղորդագրության մեջ։
Հիշեցնենք, որ մարտից հայկական կոնյակով բեռնված բեռնատարները չեն կարողանում հատել Վրաստանի սահմանը և ապրանքը հասցնել ԵՏՄ և Բալթյան երկրներ։ Կոնյակ արտադրողներն ու արտահանողները նշում են, որ վրացական կողմը խոչընդոտներ է ստեղծում հայկական բեռնատարների անցման համար։ Կոնյակագործները պնդում էին, որ Վրաստանում լաբորատոր փորձաքննության են ենթարկում հայկական կոնյակը, իսկ բեռնատարները ստիպված են լինում մի քանի շաբաթ կանգնել Վրաստանի սահմանային անցակետում։ Այս երկու ամսվա ընթացքում կոնյակ արտադողներն ու արտահանողները բազմաթիվ ցույցեր են անցկացրել ՀՀ-ու Վրաստանի դեսպանության, ՀՀ կառավարության շենքերի առջև՝ պահանջելով լուծել արտահանման հետ առաջացած խնդիրները։
