18.02.2026 | 11:11
Ուիթկոֆը հայտարարել է, որ Ուկրաինայում պատերազմի հարցով բանակցություններում «նշանակալի առաջընթաց» է գրանցվել
ԵՄ-ն ՌԴ-ի դեմ պատժամիջոցների նոր փաթեթում առաջարկում է ևս 22 ռուսական բանկ անջատել SWIFT-ից
Քաղաքականություն
10.06.2025 | 21:40
Եվրահանձնաժողովն առաջարկել է ՌԴ-ի դեմ պատժամիջոցների 18-րդ փաթեթում ներառել ռուսական նավթի գնի շեմի իջեցում (60 դոլարից մինչև 45 դոլար՝ մեկ բարելի համար) ու ևս 22 ռուսական բանկի անջատում SWIFT-ից։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լեյենը, փոխացում է Current time-ը։
Նրա խոսքով՝ ռուսական նավթի գնի շեմի իջեցումը դեռևս քննարկվելու է G7-ի գագաթնաժողովում։
Եվրահանձնաժողովը նաև առաջարկում է արգելել «Հյուսիսային հոսքերի»-ի աշխատանքը, պատժամիջոցների ցուցակներում ներառել ռուսական ստվերային նավատորմի ևս 77 նավ, պատժամիջոցներ կիրառել Ռուսաստանին օգնող երրորդ երկրների նկատմամբ և արգելել ռուսական հումքից նավթամթերքի արտահանումը, պատժամիջոցների ցանկում ավելացնել 22 ընկերություն, այդ թվում՝ Չինաստանից և Բելառուսից։
Ուրսուլա ֆոն դեր Լեյենը նշել է, որ Ռուսաստանի նպատակը խաղաղությունը չէ, այդ պատճառով էլ ԵՄ-ն ընդունում է պատժամիջոցների 18-րդ փաթեթը՝ ՌԴ իշխանությունների վրա ճնշումը մեծացնելու համար։
Հավելենք, որ պատժամիջոցների 17-րդ փաթեթը ԵՄ Խորհրդի կողմից հաստատվել էր 2025 թվականի մայիսի 20-ին։ Այն ներառում էր ռուսական ստվերային նավատորմի մոտ 200 լցանավ, պատժամիջոցներից խուսափող 30 ընկերություն և ռազմարդյունաբերական համալիրի հետ կապված 75 անհատի և ընկերություն։
Թարգմանությունը՝ Էմմա Չոբանյանի
