13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Հայաստանի ֆուտբոլի ազգային թիմը ոչ-ոքի ավարտեց հանդիպումը Չեռնոգորիայի հետ
10.06.2025 | 00:05
Հայաստանի ֆուտբոլի ազգային թիմն ընկերական հանդիպում անցկացրեց Չեռնոգորիայի ընտրանու հետ:
«Արմենպրես»-ի հաղորդմամբ` մեկնարկային րոպեին Հայաստանի հավաքականն առաջ անցավ հաշվի մեջ: Մրցակցի պաշտպանների սխալից օգտվեց Էդուարդ Սպերցյանն, որը երկրորդ խաղում անընդմեջ դարձավ գոլի հեղինակ: Չեռնոգորիայից միայն 3 րոպե պահանջվեց հաշվի հավասարությունը վերականգնելու համար: Գլխի հարվածով աչքի ընկավ Ադժիչը:
Երկրորդ կեսի մեկնարկին` 52-րդ րոպեին, տանտերերն առաջ անցան հաշվի մեջ: Գոլն իր ակտիվում գրանցեց Բուլատովիչը: Հայաստանի ֆուտբոլի ազգային թիմին հանդիպման հաշվի հավասարությունը վերականգնել հաջողվեց միայն 81-րդ րոպեին: Կրկին աչքի ընկավ Էդուարդ Սպերցյանը, որը գրավեց մրցակցի դարպասը տուգանային հեռահար հարվածով: Սպերցյանը դարձավ դուբլի հեղինակ:
Չեռնոգորիա-Հայաստան` 2:2:
Հայաստանի ֆուտբոլի ազգային թիմը հաջորդ հանդիպումը կանցկացնի արդեն սեպտեմբերին` աշխարհի առաջնության որակավորման փուլի շրջանակներում հյուրընկալելով Պորտուգալիայի հավաքականին:
