29.04.2026 | 14:50
Որքան է կազմելու Հայաստանում «Յուվենտուսի» ակադեմիայի ամսական վճարը. ծրագրի մանրամասներն ու նախագրանցման մեկնարկը․ ՏԵՍԱՆՅՈՒԹ
Կալիֆորնիայի նահանգապետը դատի կտա Դոնալդ Թրամփին՝ Լոս Անջելեսում բողոքի ցույցերը ճնշելու համար Ազգային գվարդիա տեղակայելու պատճառով
Քաղաքականություն
09.06.2025 | 20:41
Կալիֆորնիա նահանգը դատի կտա ԱՄՆ նախագահ Դոնալդ Թրամփին՝ Լոս Անջելեսում բողոքի ցույցերը ճնշելու համար Ազգային գվարդիա տեղակայելու պատճառով։ Այս մասին X-ի իր միկրոբլոգում հայտնել է Կալիֆորնիայի նահանգապետ Գևին Նյուսոմը։
«Նա (Թրամփը) հրդեհներ է բորբոքել և անօրինական կերպով գործել՝ Ազգային գվարդիան դաշնայնացնելով։ Նրա ստորագրած հրամանագիրը չի վերաբերում միայն Կալիֆորնիային։ Այն թույլ է տալիս նրան գնալ ցանկացած նահանգ և անել նույնը։ Մենք դատի ենք տալիս նրան»,- նշել է Նյուսոմը սոցիալական ցանցերում։
MSNBC-ի եթերում էլ նա ասել է, որ դատական հայցը կվերաբերի նախագահի որոշմանը, որը նա կայացրել է առանց տարածաշրջանային իշխանությունների հետ համաձայնեցնելու: Նահանգապետի խոսքով՝ Թրամփի գործողությունները խախտում են երկրի Սահմանադրությունը և ստեղծում են «արհեստական ճգնաժամ»:
Կալիֆորնիայում արդեն երեք օր է՝ զանգվածային բողոքի ցույցեր են ընթանում Սպիտակ տան ներգաղթային քաղաքականության դեմ։ Տեղի իշխանությունների հաղորդմամբ`ցույցերի ժամանակ առնվազն 56 մարդ է ձերբակալվել։
Թարգմանությունը՝ Էմմա Չոբանյանի
