07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ռուսաստանը և Ուկրաինան սկսել են ռազմագերիների փոխանակումը
Քաղաքականություն
09.06.2025 | 16:14
Ռուսաստանը և Ուկրաինան մինչև 25 տարեկան ռազմագերիների են փոխանակել, հայտնում է ՌԴ Պաշտպանության նախարարությունը, գրում է Meduza-ն։
Հաղորդվում է, որ ռուս զինծառայողների առաջին խումբը Ուկրաինայից վերադարձել է հունիսի 9-ին և այժմ գտնվում է Բելառուսում:
«Նույնքան թվով Ուկրաինայի զինված ուժերի ռազմագերիներ են փոխանցվել»,- ասվում է ՊՆ հայտարարության մեջ:
Երկու կողմերից ազատ արձակված ռազմագերիների ճշգրիտ թիվը չի նշվում:
Ուկրաինայի նախագահ Վլադիմիր Զելենսկին հաստատել է գերիների փոխանակման մեկնարկը, որը, նրա խոսքով, տեղի կունենա մի քանի փուլով առաջիկա օրերին։
«Վերադարձվողների կատեգորիաների մեջ են վիրավորներն ու ծանր վիրավորները, ինչպես նաև 25 տարեկանից փոքր անձինք։ Գործընթացը բավականին բարդ է, կան բազմաթիվ զգայուն մանրամասներ, բանակցությունները շարունակվում են գործնականում ամեն օր»,- գրել է նա Տելեգրամում։
Փոխանակման շուրջ Ռուսաստանը և Ուկրաինան համաձայնության էին եկել Ստամբուլում հունիսի 2-ին բանակցություններին։
Այսօր ավելի վաղ էլ ՌԴ նախագահի մամուլի քարտուղար Դմիտրի Պեսկովը հրաժարվել էր ենթադրություններ անել՝ արդյո՞ք այսօր՝ հունիսի 9-ին Ռուսաստանի և Ուկրաինայի միջև տեղի կունենա ռազմագերիների և զոհվածների մարմինների փոխանակում։
Թարգմանությունը՝ Էմմա Չոբանյանի
