07.07.2026 | 01:01
ԱԱ-2026. Իսպանիան հաղթանակ կորզեց Պորտուգալիայի դեմ խաղում. ՏԵՍԱՆՅՈՒԹ
Լևոն Տեր-Պետրոսյանը հանդիպել է Կաթողիկոսին, դատապարտել ՀՀ իշխանությանը
Քաղաքականություն
07.06.2025 | 18:42
Այսօր՝ հունիսի 7-ին, Հայաստանի Հանրապետության Առաջին նախագահ տիար Լեւոն Տեր-Պետրոսյանն այցելել է Մայր Աթոռ սուրբ Էջմիածին և առանձնազրույց ունեցել Գարեգին Երկրորդ Ամենայն Հայոց Կաթողիկոսի հետ՝ դատապարտելով եկեղեցու նկատմամբ ՀՀ իշխանությունների հակասահմանադրական ոտնձգությունը։ Այս մասին տեղեկացնում է Մայր Աթոռի տեղեկատվական համակարգը։
«Զրույցի ընթացքում նախագահն իր լիակատար աջակցությունն է հայտնել Վեհափառ Հայրապետին, միաժամանակ խստիվ դատապարտելով Հայոց 1700-ամյա Եկեղեցու նկատմամբ ՀՀ իշխանությունների հակասահմանադրական ոտնձգությունը»,- ասված է հաղորդագրության մեջ։
Հիշեցնենք, որ իշխանություն-եկեղեցի հակամարտությունը սկսվել էր պատերազմից հետո, երբ կաթողիկոսը միացավ Փաշինյանի հրաժարականի պահանջին։ Եկեղեցու դեմ հերթական արշավը վրդովվեցրել է ԱԺ ընդդիմադիր պատգամավորներին։
Մայիսի 30-ին, ամբողջ օրվա ընթացքում վիրավորական բառերով և մեղադրանքներով վարչապետ Նիկոլ Փաշինյանը մի քանի գրառումներ է արել ֆեյսբուքյան իր պաշտոնական էջում, որոնք այս կամ այն կերպ վերաբերում են եկեղեցուն։
Օրեր առաջ հրապարակվել էին «Կովկասյան բարոմետրի» սոցհարցման տվյալները, որոնց համաձայն՝ Հայ առաքելական եկեղեցուն վստահում է Հայաստանի բնակչության 71%-ը, մինչդեռ ՔՊ կուսակցությանը և Նիկոլ Փաշինյանին՝ ընդամենը 17%-ը։
