08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացմանը առիթով
Կրակոցներ են արձակում հոգեբանորեն ճնշելու համար, ուշադրություն չենք դարձնում. ԳՇ պետ․ ՏԵՍԱՆՅՈՒԹ
Քաղաքականություն
04.06.2025 | 17:08
ԳՇ պետ Էդուարդ Ասրյանը սահմանային իրավիճակը գնահատում է հարաբերական կայուն։ Այս մասին նա հայատարարեց ԱԺ-ում լրագրողների հետ ճեպազրույցի ժամանակ։ «Այո՛, կրակոցներ հնչել են, հնչում են, բայց դրանք նպատակային չեն, թիրախային չեն։ Այն կրակոցները, որոնք թիրախավորում են, դրա մասով մեր գերատեսչության պաշտոնական լրատվականը տեղեկատվություն տալիս է»,- ասաց Ասրյանը։
Անդրադառնալով ադրբեջանական կողմի հայտարարություններին, թե իրենք չեն եղել կրակողները՝ ԳՇ պետը նկատեց. «Միանշանակ իրենք այդպես կասեն, բայց դե իրենք են կրակողները։ Առաջինը կրակող կողմն ավելի լավ կիմանա իր նպատակները։ Իսկ մեր գնահատականով նպատակները հետևյալն են՝ փորձում են մեր զինծառայողների, սահմանային բնակչության վրա ճնշում գործադրել։ Փաստն այն է, որ մենք դրանց վրա ուշադրություն չենք դարձնում, շարունակում ենք մեր բնականոն ծառայությունը»։
Դիտարկմանը՝ ի՞նքն էլ է վարչապետի պես կարծում, որ պատերազմ չի լինելու, այլ լինելու է խաղաղություն, Ասրյանը նշեց. «Վարչապետը ՀՀ ԶՈՒ գերագույն հրամանատարն է, և այն ինչ նա հնչեցնում է, ուրեմն բավականին հիմքեր ունի դրա համար»։
Մանրամասները` տեսանյութում։
Նարեկ Կիրակոսյան
