24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
ՀՀ-ում չկան ուժեր, որոնք կարող են ՆԳՆ-ին թույլ չտալ որևէ գործողություն իրականացնել․ Արփինե Սարգսյան․ ՏԵՍԱՆՅՈՒԹ
Քաղաքականություն
04.06.2025 | 16:25
ՀՀ-ում չկան ուժեր, որոնք կարող են Ներքին գործերի նախարարությանը թողնել կամ չթողնել որևէ գործողություն իրականացնել։ Այս մասին ԱԺ համատեղ հանձնաժողովների նիստում 2024 թվականի պետական բյուջեի կատարման հաշվետվության նախնական քննարկումների ժամանակ ասաց ՆԳ նախարար Արփինե Սարգսյանը՝ պատասխանելով անկախ պատգամավոր Գեղամ Նազարյանի հարցին։ Նազարյանն առաջարկում է թունաբանական փորձաքննություն իրականացնել դպրոցներում՝ պարզելու համար աշակերտների արյան մեջ թմրանյութերի առկայությունը։ Պատգամավորը նախարարին հարց էր ուղղել, թե ով է այն ուժը կամ ուժերը, որոնք այդ առաջարկը թույլ չեն տալիս իրագործել։
Ուժային կառույցի ղեկավարը տեղեկացրեց, որ կառավարության նիստում օրակարգային հարց է լինելու թմրամիջոցների դեմ պայքարի ապօրինի շրջանառության դեմ պայքարի նոր ռազմավարության նախագիծը։ Նազարյանը Արփինե Սարգսյանից նաև հետաքրքրվեց, թե ԼՂ-ից բռնի տեղահանված քանի մարդ է ՆԳՆ-ում աշխատանքի անցել։ Սարգսյանի փոխանցմամբ՝ իր ղեկավարած կառույցում Լեռնային Ղարաբաղից 78 հարկադիր տեղահանված անձ անցել է ծառայության, նրանցից 15-ը քաղծառայողներ են, 63-ը՝ ոստիկանության աշխատակիցներ։
Մանրամասները՝ տեսանյութում։
Մանյա Պողոսյան
