08.08.2026 | 12:25
NBA-ի աստղն անհավանական դիպուկություն է գրանցել. ՏԵՍԱՆՅՈՒԹ
Կրեմլը հաստատել է Ղրիմի կամրջի վրա պայթյունը
Քաղաքականություն
04.06.2025 | 14:48
Կրեմլը հաստատել է Ղրիմի կամրջի վրա պայթյունի փաստը, սակայն հայտարարել է, որ լուրջ վնասներ չեն եղել, կամուրջը շարունակում է գործել, ձեռնարկվում են նախազգուշական միջոցներ, գրում է Ինտերֆաքսը։
Մեկնաբանելով Ուկրաինայի անվտանգության ծառայության՝ «Ղրիմի կամրջի վրա հաջող հարձակման» մասին հայտարարությունը, ՌԴ նախագահի մամուլի քարտուղար Դմիտրի Պեսկովը հաստատել է պայթյունի փաստը՝ հավելելով, որ «ոչինչ չի վնասվել, կամուրջը գործում է»։
Կրեմլի ներկայացուցիչը, միաժամանակ, նշել է. «Կիևի ռեժիմը շարունակում է խաղաղ ենթակառուցվածքների վրա հարձակվելու փորձերը։ Ռուսական կողմը ձեռնարկում է համապատասխան նախազգուշական միջոցներ՝ հիմնվելով Կիևի ռեժիմի հայտնի և հասկանալի բնույթի վրա»։
Հիշեցնենք՝ նախօրեին Ուկրաինայի Անվտանգության ծառայությունը հայտարարել էր, որ պայթեցրել է Ղրիմի կամրջի հենասյուները։
Թարգմանությունը՝ Էմմա Չոբանյանի
