Քաղաքականություն
03.06.2025 | 16:27
Ուկրաինայի Անվտանգության ծառայությունը պնդում է, որ պայթուն է իրականացրել Ղրիմի կամրջի հենասյուներում, գրում է BBC-ի ռուսական ծառայությունը։
«Ուկրաինայի Անվտանգության ծառայության գործակալներն ականապատել են այս անօրինական օբյեկտի հենարանները։ Եվ այսօր ժամը 4:44-ին, առանց քաղաքացիական բնակչության շրջանում զոհերի, գործարկվել է առաջին պայթուցիկ սարքը»,- ասվում է Ուկրաինայի անվտանգության ծառայության հայտարարության մեջ։
Միևնույն ժամանակ, կամրջի վրա երթևեկությունը շարունակվում է՝ ըստ ռուսական պաշտոնական տվյալների։
«Հենասյուների ստորջրյա հենարանները խորապես վնասված են ստորին մակարդակում»,- ասվում է ուկրաինական կողմի հաղորդագրության մեջ:
Նշվում է, որ տեղադրվել է «1100 կգ տրոտիլին համարժեք պայթուցիկ նյութ», «գործողությունը տևել է մի քանի ամիս»:
Ղրիմի կամրջի պաշտոնական տելեգրամ ալիքը ժամը 6:07-ին հաղորդել էր, որ երթևեկությունը ժամանակավորապես դադարեցվել է: Երթևեկությունը վերականգնվել է ժամը 9:00-ին:
Ռուսական կողմը դեռևս պաշտոնապես չի մեկնաբանել Կիևի այս հայտարարությունը։
Թարգմանությունը՝ Էմմա Չոբանյանի
