14.05.2026 | 11:07
Արսեն Հարությունյանը RAF-ում նորամուտը կնշի օլիմպիական չեմպիոնի դեմ գոտեմարտով
Պետք է խստիվ վերահսկողություն սահմանենք, որ ոմանք հուշարձանները «չուլան» չդարձնեն․ Նիկոլ Փաշինյան․ ՏԵՍԱՆՅՈՒԹ
Մշակույթ
04.06.2025 | 11:22
Կառավարությունը պետք է խստիվ վերահսկողություն սահմանի և թույլ չտա, որպեսզի ոմանք պատմամշակութային հուշարձանները «չուլան» չդարձնեն։ Այս մասին հայտարարեց Նիկոլ Փաշինյանը՝ ԱԺ մշտական հանձնաժողովների համատեղ նիստում «Հայաստանի Հանրապետության 2024 թվականի պետական բյուջեի կատարման մասին» տարեկան հաշվետվության նախնական քննարկումների ժամանակ՝ անդրադառնալով պատմամշակութային հուշարձանների պահպանության հարցին։
Փաշինյանը, միաժամանակ, ասաց, թե հոգևոր կյանքին հաղորդակցությունը նույնպես պետական բյուջեի ծախսային տող է, որովհետև այսօր բազմաթիվ հուշարձաններ, որոնք նաև հոգևոր կյանքի անբաժանելի մաս են, որպես պատմամշակութային հուշարձան՝ պատկանում են պետությանը, այսինքն՝ պետության սեփականությունն են և գտնվում են պետության հոգածության ներքո։
«Ենթակառուցվածքներ պետք է լինեն, որպեսզի մարդիկ հնարավորություն ունենան հաղորդակցվել այդ հոգևոր արժեքների հետ, բայց նաև պետք է կառավարությունը խստիվ վերահսկողություն սահմանի, որպեսզի, ինչպես արդեն առիթ ունեցել եմ ասելու, ոմանք այդ պատմամշակութային հուշարձանները «չուլան» չդարձնեն, որովհետև դա վիրավորում է մարդկանց հոգևոր զգացումները»,- նշեց նա։
Հիշեցնենք, որ կառավարության վերջին նիստին Փաշինյանը խոսել էր եկեղեցիների նկատմամբ մարդկանց վերաբերմունքի մասին՝ ասելով, թե որոշ տեղերում դրանք «չուլանացված» են՝ նկատի ունենալով կառույցները որպես անպետք իրերի պահեստ օգտագործելը։
Մանրամասները՝ տեսանյութում։
Մանյա Պողոսյան
