24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Ստամբուլի բանակցություններում կքննարկվեն գերիների փոխանակումը, Պուտին-Զելենսկի հանդիպումը․ Թուրքիայի ԱԳ նախարար
Քաղաքականություն
02.06.2025 | 17:07
Ռուս-ուկրաինական բանակցությունների շրջանակում կքննարկվի քաղաքացիական անձանց և ռազմագերիների փոխանակման հարցը։ Այս մասին հայտարարել է Թուրքիայի արտաքին գործերի նախարար Հաքան Ֆիդանը, փոխանցում է BBC-ի ռուսական ծառայությունը։
«Այսօրվա խորհրդակցության ժամանակ նախատեսում ենք քննարկել հրադադարի պայմանները և գլոբալ քայլերը։ Միաժամանակ, մենք նախատեսում ենք քննարկել քաղաքացիական անձանց և ռազմագերիների փոխանակումը մարդասիրական տեսանկյունից»,- Ստամբուլում ռուս-ուկրաինական բանակցությունների մեկնարկին ասել է Ֆիդանը։
Մայիսի 16-ին Ստամբուլում կայացած բանակցությունների առաջին փուլից հետո Ռուսաստանը և Ուկրաինան իրականացրին «1000-ը 1000-ի դիմաց» ձևաչափով գերիների ամենամեծ փոխանակումը՝ Ուկրաինա ռուսական ներխուժման սկսվելուց ի վեր։
Ֆիդանը նաև հայտել է, որ ռուս-ուկրաինական բանակցությունների երկրորդ փուլի ընթացքում կքննարկվեն Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի հանդիպման նախապատրաստական աշխատանքները։
Հիշեցնենք, որ Ստամբուլում մեկնարկել է ՌԴ-ի և Ուկրաինայի պատվիրակությունների բանակցությունների երկրորդ փուլը։
Թարգմանությունը՝ Էմմա Չոբանյանի
