14.06.2026 | 19:24
Էլինա Ավանեսյանը՝ Զագրեբի մրցաշարի հաղթող․ ՏԵՍԱՆՅՈՒԹ
Արձագանք կլինի․ Մայր Աթոռը՝ Փաշինյանի գրառումների մասին
Քաղաքականություն
02.06.2025 | 16:19
Նիկոլ Փաշինյանը մի քանի օր է՝ ֆեյսբուքյան էջում Հայ առաքելական եկեղեցու և հոգևոր իշխանության ներկայացուցիչների հասցեին կոշտ գրառումներ է անում՝ երբեմն կիրառելով բարձրաստիճան պաշտոնյային ոչ հարիր բառապաշար։
Քիչ առաջ Փաշինյանը հերթական գրառումն է արել՝ արդեն քննարկման առարկա դարձնելով հարցը՝ արդյո՞ք Ամենայն Հայոց կաթողիկոսը խախտել է կուսակրոնության կարգը, թե՝ ոչ։
«Եթե պարզվի, որ Գարեգին Բ-ն իրոք խախտել է կուսակրոնության ուխտը և զավակ ունի, նա չի կարող լինել Ամենայն Հայոց Կաթողիկոս, որովհետեւ խնդրո առարկա փաստի առկայության պահից նա չէր կարող լինել կուսակրոն քահանա»,- գրել է Փաշինյանը։
Factor.am-ը Մայր Աթոռի տեղեկատվական համակարգի տնօրեն Տեր Եսայի քահանա Արթենյանից հետաքրքրվեց՝ ինչո՞ւ Մայր Աթոռը չի արձագանքում Փաշինյանի այս և մյուս գրառումներին։ Տեր Եսայի քահանա Արթենյանը փոխանցեց․ «Արձագանք կլինի, կհրապարակենք։ Չեմ կարող ասել, թե երբ կլինի»։
Մինչ այս News.am-ը գրել էր, որ այսօր երեկոյան Մայր Աթոռը պաշտոնապես արձագանքելու է Նիկոլ Փաշինյանի հայտարարություններին։ Վարչապետի գրառումների մասին առայժմ դիրքորոշում են հայտնել առանձին հոգևորականներ։
Նարեկ Կիրակոսյան
