12.03.2026 | 16:12
Գրազ գանք, որ իշխանությունը հաղթելու է հունիսի 7-ին․ ՔՊ-ական անդամի ելույթի ժամանակ կրքերը բորբոքվեցին․ ՏԵՍԱՆՅՈՒԹ
Զապորոժիեում ռուսական հարվածների հետևանքով 5 մարդ է զոհվել
Քաղաքականություն
02.06.2025 | 13:42
Ուկրաինայի Զապորոժիեի շրջանում ռուսական զորքերի հրետանային և ավիահարվածների հետևանքով զոհվել է 5 մարդ։ Այս մասին հայտնում են տեղական իշխանությունները, գրում է DW-ի ռուսական ծառայությունը։
Տերնովատոյե գյուղում ռուսական հրետակոծության հետևանքով զոհվել է 3 կին, լուրջ վնասվել են խանութ և մի քանի տուն։
Հարևան շրջանում էլ մեկ տղամարդ է զոհվել կառավարվող ռումբի կիրառմամբ ռուսական հարձակման հետևանքով։ Եվս ինը մարդ վիրավորվել է, մեկ մասնավոր տուն ավերվել է, հայտնել է Զապորոժիեի մարզի նահանգապետ Իվան Ֆյոդորովը։
Ուկրաինայի ռազմաօդային ուժերը, իրենց հերթին, հայտնել են, որ հունիսի լույս 2-ի գիշերը Ռուսաստանը հարձակվել է Ուկրաինայի վրա 80 հարվածային անօդաչու թռչող սարքերով, երեք «Իսկանդեր-Մ/ԿՆ» բալիստիկ հրթիռներով և մեկ «Իսկանդեր-Կ» թևավոր հրթիռով։ Ավիահարվածի հիմնական ուղղություններն են եղել Խարկովի, Չեռնիգովի, Դոնեցկի և Խերսոնի մարզերը։
Նախնական տվյալներով՝ Ուկրաինայի ՀՕՊ ուժերը երկրի արևելքում, հարավում և հյուսիսում չեզոքացրել են 52 օդային հարձակման զենք. խոցվել է 15 «Շահեդ» և այլ տեսակի անօդաչու թռչող սարք, ևս 37-ը կորել է տեղակայման վայրում։
Հիշեցնենք, որ Ուկրաինան նույնպես հարվածներ է հասցրել Ռուսաստանին։ ՌԴ Պաշտպանության նախարարությունը հայտնել է, որ ՀՕՊ ուժերը որսացել և ոչնչացրել են ուկրաինական 162 անօդաչու թռչող սարք։
Թարգմանությունը՝ Էմմա Չոբանյանի
