Կեցցե արդարադատությունը. Արսեն Թորոսյանը` Դավիթ Սանասարյանի արդարացման մասին․ ՏԵՍԱՆՅՈՒԹ

Կեցցե արդարադատությունը․ ԱԺ ՔՊ-ական պատգամավոր Արսեն Թորոսյանն այսպես է արձագանքում ՊՎԾ նախկին պետ Դավիթ Սանասարյանի՝ այսօր հրապարակված արդարացման դատավճռի մասին հարցին։

Հիշեցնենք, որ Արսեն Թորոսյանն առողջապահության նախարարի պաշտոնը զբաղեցնելու շրջանում այս գործով ցուցմունք էր տվել։

Սանասարյանը մեղադրվում էր Պետական վերահսկողական ծառայության պետի պաշտոնում պաշտոնեական լիազորությունները չարաշահելու մեջ։ Մասանավորապես, ըստ մեղադրանքի, Դավիթ Սանասարյանը, հանդիսանալով Պետական վերահսկողական ծառայության ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու և ազատելու, կարգապահական տույժի ենթարկելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ և փաստաթղթեր պահանջելու լիազորություններ, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, ինչպես նաև չի կատարել իր ծառայողական պարտականությունները:
«Ես տեսնելով ՊՎԾ մի քանի աշխատակիցների, ոչ թե Դավիթ Սանասարյանի աշխատանքում, կասկածելի տարրեր, պետական գնումներին միջամտելու տարրեր, փորձում էին իրենց հետ փոխկապակցված ընկերությունների գույքը վաճառել տարբեր պետական մարմինների, դիմել եմ իրավապահ մարմիններին, իրավական գնահատական տալ։ Իմ ցուցմունքներում ասել եմ այն, ինչը հիմա ասում եմ ձեզ»,- ասաց Արսեն Թորոսյանը։

Մանրամասները՝ տեսանյութում։