11.04.2026 | 10:28
Իշխանությունը քննարկում է ՀՖՖ նախագահի փոփոխության հարցը․ ովքեր են թեկնածուները
Ժպտում եմ բոլորին, չարացած չեմ. Դավիթ Սանասարյանը՝ արդարացման դատավճռից հետո․ ՏԵՍԱՆՅՈՒԹ
Հասարակություն
29.05.2025 | 14:21
Երբ դատավոր նշանակվեց Բալայանը, ինչ-որ առումով ուրախացա։ Շատ դեպքերում պահվածքի հետ համամիտ չեմ եղել, բայց գիտեի, որ արդարամիտ է, և նրա նկատմամբ չեն կարողանալու ճնշում գործադրեն։ Այս մասին իր արդարացման դատական ակտից հետո ասաց Պետական վերահսկողական ծառայության նախկին պետ Դավիթ Սանասարյանը։
Դիտարկմանը՝ արդարացվածը իրավունք ունի պահանջել արդարացի հատուցում, Սանասարյանն ասաց, որ այդ հարցը կքննարկի փաստաբանական թիմի հետ։
«Այլ հարցերի այժմ չեմ ցանկանում պատասխանել, ուղղակի ուզում եմ շնորհակալություն հայտնել առաջինն իմ ծնողներին, կնոջս ու երեխաներիս, որ այս ծանր տարիներին եղել են իմ կողքին, երկրորդն ուզում եմ փաստաբանական խմբին շնորհակալություն հայտնել, որ անշահախնդրորեն կանգնած են եղել իմ կողքին, այն քաղաքացիներին, որոնք այստեղ են եղել բոլոր դատերին, իմ կողքին կանգնած են եղել, բոլոր նրանց, ովքեր առաջին իսկ պահից չեն հավատացել այս շինծու գործին, չեն վախեցել, իրենց անձնական հարցերը թողել են մի կողմ ու ասել են՝ ինչ ուզում եք ասեք, չենք հավատում, որ Դավիթը կարող է մեղավոր լինել, մարդիկ, որոնք հայտարարում էին, որ պայքարի ճամփա ենք անցել ու հնարավոր չի, որ նման բան լինի»,- ասաց Դավիթ Սանասարյանը։
Նա նշեց, որ իրեն ի սկզբանե ապօրինի են մեղադրել, չի ստացվել, չեն հասել իրենց ուզածին։
«Ժպտում եմ բոլորին, չարացած չեմ»,- ասաց Դավիթ Սանասարյանը։
Մանրամասները՝ տեսանյութում։
Արաքս Մամուլյան
