25.08.2026 | 14:39
ԱՄՆ-ն Սիրիան հանել է «ահաբեկչությունը հովանավորող պետությունների» ցուցակից, որում այն ներառվել էր 1979 թվականին
Կդիմեմ ՍԴ. ՄԻՊ-ը` բանակից գումարով ազատվելու նախագծի մասին. ՏԵՍԱՆՅՈՒԹ
Հասարակություն
29.05.2025 | 13:58
«Եթե օրինագծի կարգավորումներում մտահոգող խնդիրները չլուծվեն, ապա կդիմեմ Սահմանադրական դատարան, քանի որ անընդունելի եմ համարում սոցիալական ցանկացած շերտավորում մեր երկրում»,- այս մասին Կառավարության նիստից հետո լրագրողների հետ ճեպազրույցում ասաց ՀՀ ՄԻՊ Անահիտ Ավանեսյանն՝ անդրադառնալով գումարի դիմաց զինծառայության ժամկետները կրճատելու նախագծին։
«Չի կարելի` երկրում այնպիսի իրավակարգավորումներ և մեխանիզմներ լինեն, որոնք կարող են մարդկանց համար, առնվազն հանրային ընկալումների առումով, տպավորություն ձևավորել, թե որևէ պարտականության կատարման հետ կապված արտոնությունը կարող է պայմանավորված լինել անձի գույքային դրությամբ, այսինքն՝ գումար ունենալու կամ չունենալու հանգամանքով»,- նշեց պաշտպանը։
Հիշեցնենք՝ ՔՊ պատգամավոր Հայկ Սարգսյանի հեղինակած նախագծով առաջարկվում է, որ զինակոչիկը կարող է վճարել 18 մլն դրամ և ծառայել 4 ամիս, կամ վճարել 24 մլն դրամ և ծառայել 1 ամիս։
Նշենք, որ ԱԺ պաշտպանության հանձնաժողովը հետաձգել է այդ նախագծի քննարկումը։
Մանրամասները՝ տեսանյութում։
