04.07.2026 | 17:21
Դատախազության ամենակարևոր ռեսուրսը սկզբունքային, պրոֆեսիոնալ, բարեվարք և իրենց ծառայությանը նվիրված մարդիկ են. Գլխավոր դատախազ
Ժամանակն է հասնել խաղաղության․ Թրամփը՝ Ալիևին
Քաղաքականություն
28.05.2025 | 18:33
ԱՄՆ նախագահ Դոնալդ Թրամփը շնորհավորական ուղերձ է հղել Ադրբեջանի նախագահ Իլհամ Ալիևին, հայտնում են ադրբեջանական լրատվամիջոցները։
«Բարձր ենք գնահատում մեր հարաբերությունները Ադրբեջանի հետ և ձեր գործընկերությունը Միացյալ Նահանգների հետ ահաբեկչության դեմ պայքարում, էներգետիկ անվտանգության առաջխաղացման և ձեր հարևանի հետ խաղաղության հասնելու գործում: Մեր հարաբերությունները զգալիորեն զարգացել են դիվանագիտական հարաբերությունների ավելի քան 30 տարվա ընթացքում։ Հույս ունենք, որ մեր երկկողմ առաջնահերթությունները, այդ թվում՝ անվտանգության ոլորտում համագործակցությունը, տնտեսական հարաբերությունները և էներգետիկայի զարգացման ոլորտում գործընկերությունը, կշարունակվեն»,- ասվում է նամակում։
Թրամփը անդրադարձել է նաև Հայաստանի հետ խաղաղության գործընթացին։
«Միացյալ Նահանգները շարունակում է աջակցել Ադրբեջանի և Հայաստանի միջև երկարատև խաղաղությանը: Երկարատև խաղաղությունը կապահովի ավելի բարգավաճ Հարավային Կովկասի տարածաշրջան և կստեղծի ավելի մեծ հնարավորություններ Միացյալ Նահանգների հետ համագործակցության համար: Հիմա ժամանակն է հասնել խաղաղության և Հարավային Կովկասի ժողովուրդների համար բարգավաճման նոր դարաշրջան սկսել»,- ասվում է ԱՄՆ նախագահի ուղերձում։
Հիշեցնենք՝ ԱՄՆ պետքարտուղար Մարկո Ռուբիոն ևս Ադրբեջանի Անկախության օրվան նվիրված շնորհավորական հայտարարության մեջ նշել էր, որ Վաշինգտոնը շարունակում է աջակցել տարածաշրջանում խաղաղության և կայունության խթանման ջանքերին։
Թարգմանությունը՝ Էմմա Չոբանյանի
