05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Բիձինա Իվանիշվիլին հրաժարվել է հանդիպել Վրաստանում ԱՄՆ դեսպանի հետ
Քաղաքականություն
28.05.2025 | 15:53
Թբիլիսիում ԱՄՆ դեսպանատունը հայտնում է, որ երկրի իշխող «Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլին հրաժարվել է դեսպան Ռոբին Դանիգանի հետ հանդիպումից»։
«Բիձինա Իվանիշվիլին հրաժարվել է հանդիպել դեսպան Դանիգանի հետ՝ Թրամփի վարչակազմի ուղերձը լսելու համար: Պետքարտուղար Ռուբիոյի խնդրանքով՝ մայիսի 22-ին դեսպան Դանիգանը հանդիպում է խնդրել Բիձինա Իվանիշվիլիի հետ՝ վարչակազմի ուղերձը փոխանցելու և կրկին ներկայացնելու այն կոնկրետ քայլերը, որոնք Վրաստանի կառավարությունը կարող է ձեռնարկել՝ ցույց տալու համար, որ լուրջ է վերաբերվում Միացյալ Նահանգների հետ հարաբերությունների վերագործարկմանը»,- ասվում է դեսպանատան ֆեյսբուքյան գրառման մեջ։
Ամերիկյան կողմը հույս է հայտնում «Վրաստանի կառավարությունն անկեղծորեն ցանկանում է վերադառնալ Ամերիկայի և ամերիկյան ժողովրդի հետ 33 տարվա գործընկերությանը և բարեկամությանը»:
Վրացական կողմն այս հայտարարությունը դեռևս չի մեկնաբանել։
Վաշինգտոնը մեղադրում է Թբիլիսիին ժողովրդավարական հետընթացի և հակաարևմտյան քայլերի մեջ, մինչդեռ Թբիլիսին մեղադրում է ԱՄՆ ներկայացուցիչներին «Գլոբալ պատերազմի կուսակցությանը»/«Խորը պետությանը» մասնակցելու մեջ։
Հավելենք, որ օրերս էլ ԱՄՆ պետքարտուղար Մարկո Ռուբիոն, Դոնալդ Թրամփի իշխանության գալուց ի վեր առաջին անգամ, մեկնաբանել էր Վրաստանում իրավիճակը։ Ներկայացուցիչների պալատի արտաքին հարաբերությունների հանձնաժողովում լսումների ժամանակ նա հայտարարել էր, որ Վաշինգտոնում քննարկվում են վրացական իշխանությունների դեմ տարբեր միջոցառումներ։ Ներկայացուցիչների պալատի անդամ Ջո Ուիլսոնի հարցին ի պատասխան՝ նա օգտագործել էր «հակաամերիկյան կառավարություն» արտահայտությունը Վրաստանի ներկայիս ղեկավարությանը բնութագրելու համար։
Թարգմանությունը՝ Էմմա Չոբանյանի
