18.02.2026 | 13:12
Ժնևում վերսկսվել են ՌԴ-ի, Ուկրաինայի և ԱՄՆ-ի միջև եռակողմ բանակցությունները
Ալիևը Բերձորում մի շարք օբյեկտներ է բացել
Քաղաքականություն
27.05.2025 | 14:31
Ադրբեջանի նախագահ Իլհամ Ալիևն այցով գրավյալ Արցախում է։ Ադրբեջանական լրատվամիջոցների հաղորդմամբ՝ Բերձորում (Լաչինում) նա մասնակցել է LATIFA կարի գործարանի բացմանը: Նշվում է, որ «Լաչինի ագրոարդյունաբերական պարկը» բացվել է 2023 թվականի օգոստոսի 26-ին, դրա տարածքում «գործում է 12 ձեռնարկություն»։
Պարկի տարածքում նախատեսվում է գործարկել ևս երկու ձեռնարկություն, որոնցից մեկը LATIFA կարի գործարանն է։ 1,2 միլիոն մանաթ ընդհանուր արժեքով ձեռնարկությունը ստեղծելու է 30 աշխատատեղ։
Ալիևը նաև մասնակցել է PIRSHAGHI կոշիկի գործարանի մասնաճյուղի, ինչպես նաև Բերձորի էլեկտրացանցի թվային կառավարման կենտրոնի բացումը։
Հաղորդվում է, որ Ադրբեջանի ղեկավարը մասնակցել է տեղի ճոպանուղու հիմնարկեքի, ինչպես նաև Բեյլիք գյուղի բացման արարողությանը։
Թարգմանությունը՝ Էմմա Չոբանյանի
