12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
ՏԿԵ նախարարն ու ՄԱԿ պաշտոնյան քննարկել են կարևոր հանքանյութերի, հանքարդյունաբերության թվայնացման հարցեր
Քաղաքականություն
26.05.2025 | 21:24
ՀՀ ՏԿԵ նախարար Դավիթ Խուդաթյանը «Երևանյան երկխոսություն» 2025 միջազգային ֆորումի շրջանակներում այսօր երկկողմ հանդիպում է ունեցել ՄԱԿ-ի Եվրոպական տնտեսական հանձնաժողովի գործադիր քարտուղար Տատյանա Մոլչանի հետ։ Այս մասին տեղեկացնում են ՏԿԵ. նախարարոււթյունից։
Քննարկվել է ՏԿԵՆ-ՄԱԿ ԵՏՀ համագործակցության պորտֆելը՝ հատկապես շեշտադրելով տրանսպորտի, էներգետիկայի և հանքարդյունաբերության ոլորտներում փոխգործակցությունը։
Կարևորվել է հատկապես ՄԱԿ ԵՏՀ-ի հետ տրանսպորտային և ճանապարհային անվտանգության խնդիրների լուծման ուղղությամբ տարվող աշխատանքները։
Քննարկվել են կարևոր հանքանյութերի, հանքարդյունաբերության թվայնացման, ընդերքօգտագործման սոցիալական և բնապահպանական բաղադրիչի ապահովման հետ կապված հարցեր։
Մոլչանն առաջարկել է դիտարկել Հայաստանում ՄԱԿ ԵՏՀ-ի համար ավանդույթ դարձած «Hard talks»-ի անցկացումը էներգետիկայի թեմայով։
Կողմերը պատրաստակամություն են հայտնել շարունակել արդեն ձևավորված համագործակցությունը վերը նշված ուղղություններով, ինչպես նաև դիտարկել էներգետիկայի թեմայով «Hard talks»-ը Հայաստանում հյուրընկալելու հնարավորությունը։
