08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Բաքվում շինծու գործերով նիստում հարցերի է պատասխանել Մելիքսեթ Փաշայանը
Քաղաքականություն
26.05.2025 | 16:30
Բաքվի զինվորական դատարանում ընթացող Արցախի ղեկավարների և այլ պաշտոնյաների նկատմամբ հարուցված շինծու քրեական գործերով նիստում դատախազի հարցերին է պատասխանել ռազմագերիներից Մելիքսեթ Փաշայանը։ Ադրբեջանական լրատվամիջոցների հաղորդմամբ՝ նա նշել է, որ ծառայել է Ասկերանի շրջանի 31-րդ գումարտակում, 1993-1994 թվականներին գումարտակի կազմում ծառայել է Աղդամի շրջանի Սումա, Սարըջալը և Գուլլուջա գյուղերի ուղղությամբ գտնվող դիրքերում։
Հարցին՝ արդյոք նա ներգրավված է եղել, իբր, կողոպուտների մեջ, նա պատասխանել է․ «Ես թալանի չեմ մասնակցել»:
Փաշայանը նաև ասել է, որ զինվորականները քաղաքացիներին թալանից հետ են պահել, այդ թվում՝ նրանց ֆիզիկապես պաշտպանելու համար։
Մելիքսեթ Փաշայանը նշել է, որ Արցախի իշխանությունների կողմից «Արիության մեդալով»՝ Առաջին Ղարաբաղյան պատերազմին մասնակցելու համար․ «Ստույգ չեմ հիշում, դա կա՛մ Բակո Սակահյանի, կա՛մ Արայիկ Հարությունյանի օրոք էր»։
Դատական նիստը շարունակվում է։
Թարգմանությունը՝ Էմմա Չոբանյանի
