13.01.2026 | 16:39
Ռադան պաշտոնանկ է արել Ուկրաինայի պաշտպանության նախարար Դենիս Շմիգալին և անվտանգության ծառայության ղեկավար Վասիլի Մալյուկին
Ջո Բայդենը առաջին անգամ հայտնվել է հանրության առաջ այն բանից հետո, երբ հայտնի դարձավ, որ նա քաղցկեղ ունի
Քաղաքականություն
25.05.2025 | 11:48
ԱՄՆ նախկին նախագահ Ջո Բայդենը առաջին անգամ մասնակցել է հասարակական միջոցառման այն բանից հետո, երբ հայտարարվել էր, որ նրա մոտ ախտորոշվել է շագանակագեղձի քաղցկեղ՝ ոսկրերում մետաստազներով։
Բայդենը ուրբաթ օրը՝ մայիսի 23-ին, մասնակցել է իր թոռան՝ Ռոբերտ Հանթեր Բայդենի, ավարտական երեկոյին, որը տեղի է ունեցել Սոլսբերի քաղաքում՝ Կոնեկտիկուտ նահանգում։
Միջոցառման լուսանկարները հրապարակվել են Instagram-ի Story-ներում Բայդենի կինը՝ Ջիլը, և նրա դուստրը՝ Էշլին, հայտնում է NBC News-ը։
«Շնորհավորում ենք, Հանթեր: Մենք այնքան հպարտ ենք քեզանով»,-գրել է Ջիլ Բայդենը։
Հիշեցնենք՝ մայիսի 18-ին ԱՄՆ նախկին նախագահ Ջո Բայդենի ներկայացուցիչները հայտնել էին, որ նրա մոտ հայտնաբերվել է շագանակագեղձի քաղցկեղ՝ ոսկրային մետաստազներով։ Չի հստակեցվում, թե երբ է Բայդենը և նրա շրջապատը իմացել ախտորոշման մասին։ Անհայտ է նաև՝ արդյոք նա տեղյա՞կ էր, որ ունի քաղցկեղ, երբ զբաղեցնում էր նախագահի պաշտոնը և փորձում էր վերընտրվել։
