08.09.2026 | 12:28
ԱԺ Աշխատանքի և բարեկեցության հարցերի մշտական հանձնաժողովի առաջին նիստը․ ՈՒՂԻՂ
Ռուսաստանը և Ուկրաինան միմյանց փոխանցել են գերիների ցուցակները՝ «1000-ը 1000-ի դիմաց» բանաձևով փոխանակման համար
Քաղաքականություն
22.05.2025 | 19:56
Ուկրաինան արդեն պատրաստել է Ռուսաստանի հետ գերիների փոխանակման ցուցակը՝ «1000-ը 1000-ի դիմաց» ձևաչափով։ Այն հանձնել են ռուսական կողմին։ Այս մասին ՌԲԿ-Ուկրաինային հայտարարել է ռազմագերիների համակարգող շտաբի պետի տեղակալ Անդրեյ Յուսովը։
Նա փաստացի հերքել է Կրեմլի խոսնակ Դմիտրի Պեսկովին, որն ավելի վաղ ասել էր, որ Ռուսաստանն Ուկրաինայից չի ստացել գերիների փոխանակման համար անունների ցուցակը։ Ավելի ուշ Պեսկովը հաստատել է, որ ցուցակը ստացվել է։
«Այո, իսկապես, այն արդեն ստացվել է»,- ՏԱՍՍ-ին ասել է ՌԴ նախագահի մամուլի քարտուղարը։
Այսօր ճեպազրույցում Պեսկովը հայտարարել էր, որ ՌԴ-ն արդեն Ուկրաինային փոխանցել է իր ցուցակը։
Մայիսի 16-ին Ստամբուլում կայացած բանակցությունների ժամանակ Մոսկվայի և Կիևի միջև ձեռք էր բերվել «1000-ը 1000-ի դիմաց» բանաձևով գերիների փոխանակման վերաբերյալ համաձայնություն։
Թարգմանությունը՝ Էմմա Չոբանյանի
