16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մոսկվա թռչող 35 ԱԹՍ է խոցվել․ օդանավակայաններում սահմանափակումներ են մտցվել
Քաղաքականություն
22.05.2025 | 12:08
Ռուսաստանի ՀՕՊ ուժերը մայիսի լույս 22-ի գիշերը խոցել են Մոսկվա թռչող 35 ուկրաինական անօդաչու թռչող սարք։ Այս մասին տելեգրամում գրել է Մոսկվայի քաղաքապետ Սերգեյ Սոբյանինը։ Հարձակման հետևանքների մասին տեղեկություններ չկան, գրում է Meduza-ն։
Տուլան նույնպես ենթարկվել է ուկրաինական անօդաչու թռչող սարքերի հարձակման։ Տուլայի նահանգապետ Դմիտրի Միլյաևը հայտնել է, որ անօդաչուներից մեկը բախվել է բազմաբնակարան շենքի տանիքին, վնասվել են նաև բնակելի և ոչ բնակելի շենքեր։ Բացի այդ, ԱԹՍ-ի բեկորներ են ընկել Տուլայի «Օրուժեյնիկ» հանգստի կենտրոնի մոտակայքում։ Տուլայի երկու բնակիչ թեթև վնասվածքներ են ստացել։
Ռուսաստանի Պաշտպանության նախարարությունը հայտարարել է, որ գիշերվա ընթացքում ՀՕՊ ուժերը խոցել են ուկրաինական 105 անօդաչու թռչող սարք, այդ թվում՝ 35-ը՝ Մոսկվայի մարզի և 10-ը՝ Տուլայի մարզի վրա։
Ռոսավիացիան էլ հայտնել է, որ գիշերը թռիչքների և վայրէջքների սահմանափակումներ են մտցվել Մոսկվայի բոլոր չորս օդանավակայաններում՝ «Շերեմետևո», «Վնուկովո», «Դոմոդեդովո» և «Ժուկովսկի», ինչպես նաև Տամբովի և Վլադիմիրի օդանավակայաններում։
Հիշեցնենք, որ նախօրեին նույնպես Մոսկվայի ուղղությամբ ԱԹՍ-ների գրոհ էր տեղի ունեցել, կրկին սահմանափակվել էր օդանավակայանների աշխատանքը։
Թարգմանությունը՝ Էմմա Չոբանյանի
