07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Մադրիդում սպանվել է Ուկրաինայի նախկին նախագահ Յանուկովիչի խորհրդականը
Քաղաքականություն
21.05.2025 | 15:09
Մադրիդում սպանվել է Ուկրաինայի նախկին նախագահ Վիկտոր Յանուկովիչի խորհրդական Անդրեյ Պորտնովը։ Այս մասին հայտնում են տեղական իշխանությունները, փոխանցում է Sky news-ը։
Հաղորդվում է, որ չորեքշաբթի առավոտյան Իսպանիայի մայրաքաղաքի Պոսուելո շրջանում գտնվող ամերիկյան դպրոցի դարպասների մոտ անհայտ անձը (կամ զինված անձինք) սպանել է Ուկրաինայի նախկին քաղաքական գործիչ Անդրեյ Պորտնովին։ Ոստիկանությունը հաղորդումը ստացել է տեղական ժամանակով 7:15-ին և շտապել դեպքի վայր։
Ենթադրվում է, որ Պորտնովն իր երեխաներին դպրոց էր տանում։
2011 թվականին Անդրեյ Պորտնովը նշանակվել է Ուկրաինայի նախագահ Վիկտոր Յանուկովիչի խորհրդական, իսկ Մայդանի բողոքի ցույցերի ժամանակ նրա հետ միասին եղել է քաղաքական ճգնաժամը լուծելու աշխատանքային խմբի անդամ։
2014 թվականին Յանուկովիչի փախուստից հետո Պորտնովը նույնպես լքել է Ուկրաինան։ Սկզբում մեկնել է Մոսկվա, ապա՝ Վիեննա։ Նա Ուկրաինա է վերադարձել ընտրություններում հաղթած Վլադիմիր Զելենսկիի երդմնակալության արարողությունից մեկ օր առաջ։
2018 թվականի օգոստոսի 27-ից հոկտեմբերի 5-ը Պորտնովը ղեկավարել է ռուսամետ NewsOne հեռուստաալիքը, նա Ուկրաինայում է եղել մինչև 2022 թվականի հունիսը։ Հունիսի 3-ին նա Անդրկարպատյան շրջանի անցակետով մեկնել է Վիեննա։ 2021 թվականի դեկտեմբերից նա ԱՄՆ պատժամիջոցների տակ էր։
Թարգմանությունը՝ Էմմա Չոբանյանի
