29.04.2026 | 19:13
Որևէ շեղում կամ մանրէ չի հայտնաբերվել. ՀՎԿԱԿ-ն անդրադարձել է Բյուրեղավանում ջրի կրկնակի նմուշառումերի արդյունքներին
ՌԴ-ն ԱԹՍ-ներով հարվածել է Սումիին ու Կիևին․ հրաձգարանի վրա հրթիռային հարվածից 6 ուկրաինացի զինծառայող է զոհվել
Քաղաքականություն
21.05.2025 | 14:12
Ռուսական բանակը մայիսի լույս 21-ին անօդաչու թռչող սարքերով հարվածներ է հասցրել Սումիին և Կիևին։ Ուկրաինական տելեգրամ ալիքները հաղորդում են, որ երկու քաղաքներում էլ պայթյուններ են տեղի ունեցել, Սումիում տուժածներ կան, այստեղ նաև մասնակի հոսանքազրկումներ են, հայտնել են տեղական իշխանությունները, փոխանցում է Current time-ը։
Կիևի մարզում անօդաչու թռչող սարքի բեկորներն ընկել են բնակելի տան վրա: Ընտանիքի երկու անդամներ վիրավորվել են։
Սումիում գիշերային հարվածի ժամանակ մի քանի ռուսական անօդաչու թռչող սարքեր հարվածել են երկու ձեռնարկությունների, հայտնել է քաղաքապետ Արտյոմ Կոբզարը։ Նա մանրամասնել է, որ հինգ անօդաչու թռչող սարք հարվածել է մեկ ձեռնարկության, իսկ երկուսը՝ մեկ այլ ձեռնարկության։ Մեկ վիրավոր կա։
Ուկրաինայի ազգային գվարդիան, իր հերթին, հաղորդել է, որ մայիսի 20-ին Սումիի մարզի հրաձգարանին ռուսական հրթիռային հարվածի հետևանքով զոհվել է 6 զինծառայող, ավելի քան 10-ը՝ վիրավորվել։
Ծառայողական հետաքննություն է անցկացվում։
Թարգմանությունը՝ Էմմա Չոբանյանի
